పాన్ ఇండియా స్టార్ ప్ర‌భాస్ న‌టిస్తున్న తాజా చిత్రం ‘క‌ల్కి 2898 AD’ కోసం ప్రేక్ష‌కులు ఎంత ఆస‌క్తిగా ఎదురుచూస్తున్నారో అందరికీ తెలిసిందే. ఈ సినిమాను ద‌ర్శ‌కుడు నాగ్ అశ్విన్ తెర‌కెక్కించిన తీరుకు అభిమానులు స్ట‌న్ అవుతున్నారు. ఇప్ప‌టికే రిలీజ్ అయిన టీజ‌ర్, ట్రైల‌ర్లు ఈ సినిమాపై అంచనాల‌ను రెట్టింపు చేశాయి.

ఇక ఈ సినిమాలోని ఫ‌స్ట్ సింగిల్ సాంగ్ గా ‘భైర‌వ ఆంతెం’ను నేడు ఉద‌యం 11 గంట‌ల‌కు రిలీజ్ చేస్తామ‌ని మేక‌ర్స్ అనౌన్స్ చేశారు. అయితే, కొన్ని కార‌ణాల వ‌ల్ల ఈ సాంగ్ ఇంకా రిలీజ్ కాలేదు. దీంతో సోష‌ల్ మీడియాలో అభిమానులు మండిపడుతున్నారు. కాగా, ఈ సినిమాలో అశ్వ‌ద్ధామ పాత్ర‌లో న‌టిస్తున్న బాలీవుడ్ లెజెండ్ అమితాబ్ బ‌చ్చ‌న్ సైతం ఈ సాంగ్ కోసం ఎంతో ఆస‌క్తిగా ఎదురుచూస్తున్న‌ట్లు ట్వీట్ చేశారు.

దీనికి ద‌ర్శ‌కుడు నాగ్ అశ్విన్ రిప్లై ఇచ్చారు. సాంగ్ ను రెడీ చేయ‌డంలో చిత్ర టీమ్ పూర్తిగా నిమ‌ఘ్న‌మైంది. అయితే, కొన్ని కార‌ణాల వ‌ల్ల ఈ సాంగ్ రిలీజ్ డిలే అయ్యింది. మీ అంద‌రి ఎదురుచూపుల‌కు ఏమాత్రం త‌గ్గ‌కుండా ఈ సాంగ్ ఉంటుంద‌ని ఆయ‌న ట్వీట్ చేశారు. దీంతో ప్ర‌స్తుతం క‌ల్కి మ‌రోసారి నెట్టింట‌ ట్రెండ్ అవుతోంది. ఇక ఈ సినిమాలో క‌మ‌ల్ హాస‌న్, దీపిక ప‌దుకొనె, దిశా ప‌టాని, రాజేంద్ర ప్ర‌సాద్, మృణాల్ ఠాకూర్ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. సంతోష్ నారాయ‌ణ‌న్ సంగీతం అందిస్తున్న ఈ సినిమాను వైజ‌యంతి మూవీస్ బ్యాన‌ర్ పై అశ్విని ద‌త్ ప్రొడ్యూస్ చేస్తున్నారు. జూన్ 27న వ‌ర‌ల్డ్ వైడ్ గా ఈ సినిమా భారీ స్థాయిలో రిలీజ్ కానుంది..

Thank you sir ???? and everyone else for your patience… Things happen, delays happen…no excuses, but the whole team is really working non stop….appreciate the support and understanding… #bhairavaanthem uploading ✌️

— Nag Ashwin (@nagashwin7) June 17, 2024