సుప్రీమ్ హీరో సాయి దుర్గ తేజ్ నటిస్తున్న ప్రెస్టీజియస్ చిత్రం ప్రస్తుతం శరవేగంగా షూటింగ్ జరుపుకుంటోంది. ఈ సినిమాను దర్శకుడు రోహిత్ కెపి డైరెక్ట్ చేస్తుండగా పూర్తి పీరియడ్ యాక్షన్ డ్రామాగా తెరకెక్కిస్తున్నారు. ఇప్పటికే ఈ సినిమాకు సంబంధించిన మేకింగ్ వీడియో ఈ మూవీపై అంచనాలను పెంచేసింది. ఇక ఈ సినిమాలో భారీ క్యాస్టింగ్ ఉండబోతున్నట్లు చిత్ర యూనిట్ తెలిపింది.
ఇప్పటికే పలువురు సీనియర్ యాక్టర్స్ ఈ సినిమాలో జాయిన్ అయ్యారు. తాజాగా ఈ సినిమాలో యంగ్ బ్యూటీ అనన్య నాగళ్ల కూడా ఓ కీలక పాత్రలో నటిస్తున్నట్లు మేకర్స్ వెల్లడించారు. ఆమె ఈ సినిమాలో నటిస్తున్నట్లు అఫీషియల్‌గా ఓ పోస్టర్ ద్వారా అనౌన్స్ చేశారు. దీంతో ఈ సినిమాలో అనన్య ఎలాంటి పాత్రలో నటిస్తుందా అనే ఆసక్తి క్రియేట్ అయ్యింది.
ఇక ఈ సినిమాలో అందాల భామ ఐశ్వర్య లక్ష్మీ హీరోయిన్‌గా నటిస్తోండగా ఈ చిత్రానికి అజనీష్ లోక్‌నాథ్ సంగీతం అందిస్తున్నాడు. ఈ సినిమాను నిరంజన్ రెడ్డి, చైతన్య రెడ్డి తమ ప్రైమ్‌షో ఎంటర్‌టైన్‌మెంట్స్ బ్యానర్‌పై భారీ బడ్జెట్‌తో ప్రొడ్యూస్ చేస్తున్నారు.
