అనసూయ, జగపతి బాబు ప్రధాన పాత్ర‌ల్లో నటించిన తాజా చిత్రం సింబా నుంచి మేక‌ర్స్ ట్రైలర్ ను రిలీజ్ చేశారు. సంపత్ నంది టీం వర్క్స్, రాజ్ దాసరి ప్రొడక్షన్స్ బ్యానర్ల పై సంపత్ నంది, దాసరి రాజేందర్ రెడ్డి ఈ సినిమాను ప్రొడ్యూస్ చేస్తున్నారు. ఇక ఈ సినిమాను మురళీ మనోహర్ డైరెక్ట్ చేశారు. ఈ చిత్ర ట్రైలర్ లాంచ్ ఈవెంట్ లో చిత్ర యూనిట్ పాల్గొన్నారు.
ఈ సంద‌ర్బంగా అనసూయ మాట్లాడుతూ.. ‘వృక్షో రక్షతి రక్షితః అనే కాన్సెప్ట్ అందరికీ తెలిసిందే. సింబా మూవీ ఇలాంటి మంచి కాన్సెప్ట్‌తో రాబోతోంది. సూపర్ నేచురల్ క్రైమ్ థ్రిల్లర్‌గా ఈ మూవీ రాబోతోంది. అందరికీ నచ్చేలా ఈ చిత్రం ఉంటుంది. కబీర్, శ్రీనాథ్, వశిష్ట, దివి అద్భుతంగా నటించారు. జగపతి బాబు గారు ఈ చిత్రానికి ప్రధాన బలం. ఈ సినిమా ఒక్కరికి నచ్చినా కూడా ఒక్కరిలో మార్పు తెచ్చినా ఎంతో మార్పు వస్తుంది. ఇంత మంచి చిత్రంలో నాకు ఛాన్స్ రావడం, ఇంత మంది ట్యాలెంటెడ్ పర్సన్స్ తో పని చేయడం ఆనందంగా ఉంది.’ అని అన్నారు.
ద‌ర్శ‌కుడు మురళీ మనోహర్ మాట్లాడుతూ.. ‘నన్ను నమ్మి నాకు అవకాశం ఇచ్చిన సంపత్ నంది, రాజేందర్ గారికి థాంక్స్. ఈ మూవీకి కథ, స్క్రీన్ ప్లే సంపత్ నంది అందించారు. ఈ చిత్రంలో నటించిన ప్రతీ ఒక్క ఆర్టిస్ట్‌కు థాంక్స్. అందరి సహకారంతోనే సినిమాను పూర్తి చేయగలిగాను. అందరూ అద్భుతమైన అవుట్ పుట్ ఇచ్చారు. మా సినిమా ఆగస్టు 9న రాబోతోంది. ఇంత వరకు ఇండియన్ స్క్రీన్ మీద ఇలాంటి కాన్సెప్ట్ రాలేదు. అందరికీ ఈ సినిమా నచ్చుతుందని భావిస్తున్నాను’ అని అన్నారు.
నిర్మాత దాసరి రాజేందర్ రెడ్డి మాట్లాడుతూ.. ‘సంపత్ నంది చెప్పిన కథ నచ్చడంతో ప్రాజెక్ట్‌ను ముందుకు తీసుకొచ్చాం. జగపతి బాబు గారు కథ నచ్చడంతో ఓకే అన్నారు. అనసూయ మా సినిమాలో న‌టించ‌డం సంతోషంగా ఉంది. కృష్ణ సౌరభ్ ప్రాణం పెట్టి మ్యూజిక్ ఇచ్చారు. మురళీ ఈ సినిమా కోసం చాలా కష్టపడ్డారు. మా సినిమాకు కథే హీరో. ఆగస్టు 9న రాబోతున్న మా చిత్రాన్ని అందరూ థియేటర్లలో చూసి సక్సెస్ చేయండి’ అని అన్నారు.
న‌టి దివి మాట్లాడుతూ.. ‘సింబా చిత్రంలో మంచి మెసేజ్ ఉంది. నాకు ఇంత మంచి చిత్రంలో అవకాశం ఇచ్చిన దర్శక నిర్మాతలకు థాంక్స్. ఆగస్టు 9న మా చిత్రం రాబోతోంది. అందరూ చూడండి’ అని అన్నారు.
న‌టుడు వశిష్ట మాట్లాడుతూ.. ‘మొక్కలు నాటాలి, చెట్లు పెంచాలని చిన్నప్పటి నుంచి చెబుతూనే ఉన్నారు. కానీ ఆచరణ లోకి తీసుకు రావడం లేదు. ఇలాంటి పాయింట్‌తో సినిమా రావడం ఆనందంగా ఉంది. నాకు ఇంత మంచి పాత్ర ఇచ్చిన దర్శక, నిర్మాతలకు థాంక్స్. ఆగస్టు 9న మా చిత్రం రాబోతోంది. అందరూ ఆదరిస్తారని ఆశిస్తున్నాను’ అని అన్నారు.