శంకర్ – చరణ్ కాంబినేషన్ లో రాబోతున్న పాన్ ఇండియా సినిమాలో మరో హీరో కనిపించబోతున్నాడని రూమర్స్ వినిపిస్తున్నాయి. ఈ సినిమా సెకండ్ హాఫ్ లో వచ్చే ఓ స్పెషల్ ఎపిసోడ్ లో ఓ కీలక పాత్ర ఉందట. ఈ పాత్రలోనే బాలీవుడ్ హీరో అనిల్ కపూర్ నటించబోతున్నాడు. ఈ పాత్ర ఈ సినిమా మొత్తంలోనే చాలా కీలకం అని, అందుకే.. శంకర్ ఈ పాత్ర కోసం అనిల్ కపూర్ ను ఎంపిక చేసుకున్నాడని కొత్త రూమర్ వినిపిస్తోంది.
ఇక ఈ సినిమాలో రామ్ చరణ్ తన కెరీర్ లోనే బెస్ట్ లుక్‌లో కనిపించబోతున్నాడు. వెరీ స్టైలిష్ లుక్ లో విభిన్న శైలితో చరణ్, ఈ సినిమాలోనే ప్రధాన హైలైట్‌ గా నిలుస్తాడట. పైగా ఈ సినిమాలో చరణ్ ద్విపాత్రాభినయం చేస్తున్నాడు. వీటిలో ఒక పాత్రలో గ్రామీణ యువకుడిగా, మరో పాత్రలో సూపర్ స్టైలిష్ గా కనిపిస్తాడట. చరణ్ లుక్ కోసం బాలీవుడ్ ప్రముఖ హెయిర్‌ స్టైలిస్ట్ అలీమ్ హకీమ్ పనిచేస్తున్నాడు. మొత్తానికి భారీ బడ్జెట్ తో తెరకెక్కుతున్న ఈ భారీ సినిమాలో బరువైన ఎమోషన్స్ తో పాటు గ్రాండ్ విజువల్స్ కూడా ఉండబోతున్నాయి.
