నందమూరి బాలకృష్ణ ప్రధాన పాత్రలో, దర్శకుడు అనిల్ రావిపూడి దర్శకత్వంలో తెరకెక్కిన భగవంత్ కేసరి చిత్రం బాక్సాఫీస్ వద్ద సూపర్ హిట్ గా నిలిచింది. ఈ చిత్రం బాలయ్యకి 108 వ చిత్రం. తదుపరి దర్శకుడు బాబీ దర్శకత్వంలో తెరకెక్కుతున్న NBK109 లో కనిపించనున్నాడు. సినీ పరిశ్రమలో 50 ఏళ్లు పూర్తి చేసుకున్న సందర్భంగా పలువురు సినీ ప్రముఖులు బాలయ్యకి బెస్ట్ విషెస్ తెలిపారు. ఈ మేరకు తనకి అవకాశం ఇచ్చిన అనిల్ రావిపూడి సోషల్ మీడియాలో ఇంట్రెస్టింగ్ పోస్ట్ ను షేర్ చేశారు.
“50 ఏళ్ళు, 108 చిత్రాలు, ఎన్నో గొప్ప పాత్రలు, అద్భుతమైన కథలు. నటుడిగా, నాయకుడిగా, అన్నగా, తమ్ముడిగా, తండ్రిగా, చిచ్చాగా ఎన్నో పాత్రలకు ప్రాణం పోసి తనదైన శైలిలో మనందరిని అలరించే మన బాలయ్య బాబు గారు తెలుగు సినిమాల్లో 50 ఏళ్ళు పూర్తి చేసుకున్న సందర్భంగా నా హృదయపూర్వక శుభాకాంక్షలు. 108వ చిత్రం నేలకొండ భగవంత్ కేసరి నేను చేసినందుకు, ఆ అవకాశం నాకు ఇచ్చినందుకు ఎల్లప్పుడు కృతజ్ఞుడిని. వి లవ్ యూ సార్ అని పేర్కొన్నాడు. అంతేకాక #NBK50YearsCelebrations ఈవెంట్ కి హాజరు కావడం పట్ల సంతోషం వ్యక్తం చేశాడు.