ప్రస్తుతం టాలీవుడ్‌లో మోస్ట్ క్రేజీ చిత్రాల్లో దర్శకుడు అనిల్ రావిపూడి డైరెక్షన్‌లో మెగాస్టార్ చిరంజీవి నటిస్తున్న సినిమా కూడా ఒకటి. ఈ సినిమాని అనౌన్స్ చేసిన దగ్గర్నుంచి ఈ మూవీ ఎప్పుడెప్పుడు పట్టాలెక్కుతుందా అని అందరూ ఆసక్తిగా చూస్తున్నారు. ఇక ఈ సినిమాతో మెగాస్టార్ నుంచి మనం మిస్ అవుతున్న కామెడీ జోనర్‌ను మనముందుకు తీసుకురాబోతున్నాడు ఈ సెన్సేషనల్ డైరెక్టర్. ఇక ఈ సినిమాకు సంబంధించి ఎలాంటి వార్త వచ్చినా అభిమానులు ఆసక్తిగా ఎదురుచూస్తున్నారు.
కాగా, ఈ సినిమా కోసం దర్శకుడు అనిల్ రావిపూడి రిపీట్ మోడ్‌లోకి మారుతున్నాడట. ఈ సినిమా కోసం తన లాస్ట్ మూవీ ‘సంక్రాంతికి వస్తున్నాం’ చిత్రానికి పనిచేసిన టెక్నికల్ టీమ్‌ను మరోసారి రిపీట్ చేయనున్నాడట ఈ డైరెక్టర్. మెగాస్టార్ చిరంజీవి మూవీకి సంగీతం భీమ్స్ సిసిరోలియోతో చేయించుకోవాలని.. సినిమాటోగ్రఫీ సమీర్ రెడ్డి, ఎడిటింగ్ తిమ్మరాజు తో పాటు డైరెక్షన్ డిపార్ట్‌మెంట్ మొత్తం ఈ సినిమాకు వర్క్ చేయబోతున్నారట.
‘సంక్రాంతికి వస్తున్నాం’ వంటి బ్లాక్ బస్టర్ చిత్రాన్ని అందించిన టీమ్‌ను మరోసారి రిపీట్ చేయనుండటంతో మెగాస్టార్ చిరంజీవి మూవీ కూడా ఖచ్చితంగా బ్లాక్‌బస్టర్ కావడం ఖాయమని అభిమానులు ధీమా వ్యక్తం చేస్తున్నారు. ఇక ఈ సినిమాకు సంబంధించి ప్రస్తుతం వైజాగ్‌లో అనిల్ రావిపూడి స్క్రిప్ట్ పనుల్లో బిజీగా ఉన్నాడని.. ఈ సినిమా షూటింగ్‌ను ఓ సాంగ్‌తో స్టార్ట్ చేయబోతున్నారని.. మే నెలలో ఈ సాంగ్ షూటింగ్ జరగనుందని.. టాకీ పార్ట్ జూన్ నెలలో స్టార్ట్ చేయాలని అనిల్ రావిపూడి మెగా ప్లాన్ చేస్తున్నారట. ఈ సినిమాను షైన్ స్క్రీన్స్ బ్యానర్‌పై సాహు గారపాటి ప్రొడ్యూస్ చేస్తున్నారు.