యానిమల్ చిత్రం రిలీజైన తొలి రోజు నుండి బాక్సాఫీస్ వద్ద మంచి వసూళ్లతో దూసుకు పోతుంది. సందీప్ రెడ్డి వంగా దర్శకత్వం వహించిన ఈ యాక్షన్ డ్రామా ప్రస్తుతం నెట్‌ఫ్లిక్స్‌లో ప్రసారం అవుతోంది. ఈ యాక్షన్ డ్రామాలో హీరోయిజం ను ఆడియెన్స్ ఎంతగానో ఇష్టపడుతున్నారు. కానీ కొంతమంది ఈ చిత్రాన్ని విమర్శిస్తున్నారు. అయితే యానిమల్ బాక్సాఫీస్ వద్ద సెన్సేషన్ రికార్డ్ కి చేరువలో ఉంది.
ఇప్పటి వరకు కింగ్ ఖాన్ షారుఖ్ ఖాన్ ప్రధాన పాత్రలో నటించిన పఠాన్ మరియు జవాన్ చిత్రాలు మాత్రమే USA బాక్సాఫీస్ వద్ద 15 మిలియన్ డాలర్లకు పైగా వసూలు చేసిన హిందీ సినిమాలు. ఈ అద్భుతమైన ఫీట్‌ని సాధించడానికి యానిమల్ కేవలం కొన్ని డాలర్ల దూరంలో ఉంది. భారతీయ సినిమాని పరిశీలిస్తే, బాహుబలి 2, RRR, పఠాన్ మరియు జవాన్ తర్వాత ఈ సంఖ్యను చేరుకున్న ఐదవ చిత్రం యానిమల్. పంజాబీ జనాభా ఎక్కువగా ఉండే కెనడా నుండి యానిమల్ అసాధారణ సంఖ్యలను పొందింది. రష్మిక మందన్న కథానాయికగా నటించగా, అనిల్ కపూర్, బాబీ డియోల్, త్రిప్తి దిమ్రీ, చారు శంకర్, బబ్లూ పృథ్వీరాజ్, శక్తి కపూర్ తదితరులు కీలక పాత్రలు పోషించారు. టి-సిరీస్ మరియు భద్రకాళి పిక్చర్స్ సంయుక్తంగా నిర్మించిన ఈ చిత్రానికి హర్షవర్ధన్ రామేశ్వర్ సంగీతం అందించారు.
