తమిళ సూపర్ స్టార్ రజినీకాంత్ నటిస్తున్న తాజా చిత్రం ‘వెట్టైయన్’ ఇప్పటికే ప్రేక్షకుల్లో ఎలాంటి అంచనాలు క్రియేట్ చేసిందో అందరికీ తెలిసిందే. ఈ సినిమాను టిజె.జ్ఞానవేల్ డైరెక్ట్ చేస్తుండగా, పూర్తి యాక్షన్ ఎంటర్‌టైనర్‌గా ఈ మూవీ రానుంది. ఇక ఈ సినిమా నుంచి వరస అప్డేట్స్ ఇస్తూ మేకర్స్ అభిమానుల్లో అంచనాలను పెంచేస్తున్నారు.
తాజాగా ఈ సినిమా నుంచి ఓ సాలిడ్ అప్డేట్ ఇచ్చాడు మ్యూజిక్ సెన్సేషన్ అనిరుధ్ రవిచందర్. ఈ సినిమా నుంచి ఫస్ట్ సింగిల్ సాంగ్ త్వరలో రాబోతున్నట్లు ఆయన తెలిపారు. దీంతో ఈ సాంగ్ ఎప్పుడెప్పుడు రిలీజ్ అవుతుందా అని అభిమానులు వెయిట్ చేస్తున్నారు.
ఇక ఈ సినిమాలో బిగ్ బి అమితాబ్ బచ్చన్, ఫహాద్ ఫాజిల్ ఇతర ముఖ్య పాత్రల్లో నటిస్తున్నారు. వారితో పాటు రానా దగ్గుబాటి, మంజు వారియర్, రితికా సింగ్, దుషార విజయన్ కూడా ఈ సినిమాలో మెరవనున్నారు. దసరా కానుకగా ఈ సినిమాను అక్టోబర్ 10న రిలీజ్ చేసేందుకు మేకర్స్ రెడీ అయ్యారు.