యువ నటుడు సంతోష్ శోభన్ హీరోగా మాళవికా నాయర్ హీరోయిన్ గా లేడీ డైరెక్టర్ నందిని రెడ్డి తెరకెక్కించిన లేటెస్ట్ ఫామిలీ యాక్షన్ ఎమోషనల్ ఎంటర్టైనర్ మూవీ అన్నీ మంచి శకునములే. స్వప్న సినిమా, మిత్రవిందా మూవీస్ బ్యానర్స్ పై రూపొందిన ఈ మూవీ ఇటీవల ప్రేక్షకుల ముందుకి వచ్చి పర్వాలేదనిపించే సక్సెస్ అందుకుంది.
మిక్కీ జె మేయర్ సంగీతం అందించిన ఈ మూవీలో షావుకారు జానకి, రాజేంద్రప్రసాద్, గౌతమి, రావు రమేష్, నరేష్, వెన్నెల కిషోర్, వాసుకి, రమ్య సుబ్రమణియన్, అంజు అల్వికా నాయక్ కీలక పాత్రలు పోషించారు. విషయం ఏమిటంటే, ఈ ఫ్యామిలీ డ్రామా మూవీ ఇప్పుడు ప్రముఖ ఒటిటి ప్లాట్‌ఫారమ్ అమెజాన్ ప్రైమ్ వీడియోలో ప్రసారం అవుతోంది. ఈ సినిమా తెలుగు, హిందీ, తమిళం, మలయాళం, కన్నడ భాషల్లో అందుబాటులో ఉంది. థియేటర్లలో చూసి మిస్ అయిన వారందరికీ ఇది మంచి అవకాశం అనే చెప్పాలి. మరి ఇది ఓటిటి ఆడియన్స్ ని ఎంతవరకు మెప్పిస్తుందో చూడాలి.
