ప్రస్తుతం కోలీవుడ్ సినిమా దగ్గర మోస్ట్ వాంటెడ్ దర్శకుల్లో లోకేష్ కనగరాజ్ కూడా ఒకరు. తన సినిమాలు ఖైదీ, విక్రమ్ లతో సరికొత్త సినిమాటిక్ యూనివర్స్ ని ఆరంభించి ఒక్కసారిగా ఆడియెన్స్ లో స్టార్ అయ్యాడు. ఇక ఈ చిత్రాల తర్వాత విజయ్ తో “లియో” (Leo) భారీ వసూళ్లు అందుకుంది. మరి లోకేష్ నెక్స్ట్ సినిమాలు ఏంటి ఎవరితో చేస్తున్నాడు అనేది మంచి ఆసక్తిగా మారిన తరుణంలో సూపర్ స్టార్ రజినీకాంత్ తో “కూలీ” సినిమా అనౌన్స్ చేసి సాలిడ్ హైప్ ని తెచ్చుకున్నాడు.

మరి తాజాగా మరో భారీ కాంబినేషన్ తో లోకేష్ రానున్నట్టు ఇప్పుడు వార్తలు వినిపిస్తున్నాయి. ఈసారి ఎవరంటే బాలీవుడ్ బిగ్గెస్ట్ స్టార్స్ లో ఒకరైన నటుడు అమీర్ ఖాన్ (Amir Khan) తో లోకేష్ కనగరాజ్ ఓ పాన్ ఇండియా సినిమా చేయనున్నట్టుగా ఇప్పుడు వినిపిస్తుంది. అది కూడా మన టాలీవుడ్ ప్రొడక్షన్ హౌస్ మైత్రి మూవీ మేకర్స్ తో అన్నట్టుగా ఇపుడు రూమర్స్ వినిపిస్తున్నాయి. మరి ఈ క్రేజీ కాంబినేషన్ నిజంగానే పడుతుందో లేదో అనేది డెఫినెట్ గా వేచి చూడాలి.