గ్లోబల్ స్టార్ రామ్ చరణ్ హీరోగా స్టార్ దర్శకుడు శంకర్ కాంబినేషన్లో చేస్తున్న సెన్సేషనల్ ప్రాజెక్ట్ ‘గేమ్ ఛేంజర్’. ఇప్పటికే విడుదలైన ఈ సినిమా టీజర్ అందరినీ ఆకట్టుకుంటోంది. ముఖ్యంగా టీజర్‌లో చరణ్ లుక్స్, తమన్ బీజీఎం, శంకర్ భారీ విజువల్స్ మొత్తానికి ఫ్యాన్స్ ని ఫిదా చేశాయి. ఐతే, తాజాగా ఈ మూవీ గురించి మరో క్రేజీ న్యూస్ వైరల్ గా మారింది. ఈ సినిమా నుంచి రెండు ట్రైలర్లు వస్తాయని టాక్ నడుస్తోంది. రెండు ట్రైలర్స్ విభిన్నంగా ఉంటాయని, ఫ్యాన్స్ తో పాటు అన్ని వర్గాల ప్రేక్షకులను దృష్టిలో పెట్టుకుని ఈ ట్రైలర్స్ ను రెడీ చేస్తున్నారని తెలుస్తోంది.
కాగా మెగా అభిమానులు ఈ సినిమా కోసం చాలా ఆసక్తికరంగా ఎదురు చూస్తున్నారు. పైగా ఈ సంక్రాంతికి విడుదలవుతున్న భారీ చిత్రాల్లో ఈ సినిమా కూడా ఒకటి. జనవరి 10, 2025న ఈ సినిమా థియేటర్లలోకి రానుంది. ఈ సినిమాలో కియారా అద్వానీ కథానాయికగా నటిస్తోంది. మరో కీలక పాత్రలో అంజలి కనిపించనుంది. అన్నట్టు గేమ్ ఛేంజర్ నార్త్ ఇండియా థియేటర్స్ రైట్స్ ను అనిల్ తడాని యొక్క AA ఫిల్మ్స్ సొంతం చేసుకున్న సంగతి తెలిసిందే.