టాలీవుడ్ యంగ్ హీరో శ్రీవిష్ణు చివరిసారిగా ఓం భీమ్ బుష్ అనే హిట్ చిత్రంలో కనిపించారు. తదుపరి స్వాగ్ చిత్రంలో కనిపించనున్నారు. ఈ క్రేజీ ప్రాజెక్ట్ కి హసిత్ గోలి దర్శకత్వం వహిస్తుండగా, రీతూ వర్మ హీరోయిన్ గా నటిస్తుంది. ఈ చిత్రం ఇంట్రెస్టింగ్ అప్డేట్స్ తో తరచూ వార్తల్లో నిలుస్తూనే ఉంది. తాజాగా మేకర్స్ మరొక ఇంట్రెస్టింగ్ పోస్ట్ తో ఆడియెన్స్ ముందుకు వచ్చారు. సింగ సిద్ధం అంటూ మేకర్స్ క్యాప్షన్ తో ఒక పోస్ట్ ను షేర్ చేశారు. ది బిగ్గెస్ట్ సోషల్ మీడియా ఇన్ఫ్లూఎన్సర్ అంటూ చెప్పుకొచ్చారు. అయితే ఈ 18 వ తేదీన సింగ ను రివీల్ చేయనున్నారు.
ఇదే విషయాన్ని సరికొత్త పోస్టర్ ద్వారా వెల్లడించారు. డిఫెరెంట్ పోస్టర్లతో ఆడియెన్స్ ను ఎంగేజ్ చేస్తూ స్వాగ్ చిత్ర యూనిట్ ఆకట్టుకుంటుంది. యంగ్ బ్యూటీ దక్షా నగార్కర్, మీరా జాస్మిన్, శరణ్య ప్రదీప్ లు కీలక పాత్రల్లో కనిపించనున్నారు. ఈ చిత్రానికి వివేక్ సాగర్ సంగీతం అందిస్తుండగా, పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మిస్తున్నారు.
