ఇటీవల దక్షిణాది సినిమా దగ్గర మళయాళ చిత్రాలు ఏ రీతిలో అదరగొడుతున్నాయో చూస్తూనే ఉన్నాము. అయితే ఈ చిత్రాల్లో వరుసగా భ్రమయుగం, “ప్రేమలు”, “గోట్ లైఫ్”, అలాగే “మంజుమ్మల్ బాయ్స్” లలో గోట్ లైఫ్ తప్ప మిగతా చిత్రాలు అన్నీ ఒక్క మళయాళంలోనే కాకుండా ఇతర భాషల్లో కూడా అదరగొట్టాయి. అంతే కాకుండా ఓటిటిలో కూడా వీటికి సూపర్ రెస్పాన్స్ వచ్చింది.
అయితే వీటి తర్వాత వచ్చిన మరో క్రేజీ చిత్రమే “ఆవేశం”. టాలెంటెడ్ నటుడు ఫహద్ ఫాజిల్ నటించిన ఈ చిత్రాన్ని దర్శకుడు జీతూ మాధవన్ తెరకెక్కించిన ఈ చిత్రం మళయాళంలో భారీ వసూళ్లు అందుకుంది. అయితే ఈ చిత్రం రీసెంట్ గా ఓటిటిలో కూడా వచ్చేసింది. కేవలం ఒరిజినల్ మళయాళంలోనే వచ్చిన ఈ చిత్రం ఇప్పుడు అదరగొడుతుంది.
ప్రైమ్ వీడియోలో వచ్చిన ఈ చిత్రం వచ్చిన కొంత లోనే ఇండియా వైడ్ గా నెంబర్ 1 స్థానంలో ట్రెండ్ లోకి వచ్చేసింది. అలాగే ఓటిటి చూసిన వారు కూడా సినిమాకి మంచి మార్కులే ఇస్తున్నారు. దీనితో డబ్బింగ్ వెర్షన్ లకి కూడా మంచి డిమాండ్ నెలకొంది. మరి డబ్బింగ్ వెర్షన్ ఎప్పుడు వస్తుందో చూడాలి.