రెబల్ స్టార్ ప్రభాస్ హీరోగా, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన కల్కి 2898AD చిత్రం జూన్ 27, 2024 న వరల్డ్ వైడ్ గా థియేటర్లలోకి రానుంది. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజైన ప్రచార చిత్రాలకి ఇప్పటికే సూపర్ రెస్పాన్స్ వచ్చింది. అయితే ఆంధ్ర ప్రదేశ్ రాష్ట్ర ప్రభుత్వం కల్కి టికెట్ల రేట్ల పెంపు విషయంలో నిర్ణయం తీసుకుంది. సింగిల్ స్క్రీన్ లకి 75 రూపాయలు, మల్టీ ప్లెక్స్ లకి 125 రూపాయల పెంపు కి నిర్ణయం తీసుకుంది. అంతేకాక అదనపు షో లకు కూడా పర్మిషన్ ను ఇవ్వడం జరిగింది.
కల్కి చిత్రానికి ఇది సువర్ణావకాశం అని చెప్పాలి. ఈ చిత్రం కి సంబందించిన అడ్వాన్స్ బుకింగ్స్ ఆంధ్ర ప్రదేశ్ రాష్ట్రంలో మంగళవారం నాడు ఓపెన్ అవుతాయి. దీపికా పదుకునే, దిశా పటాని, కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన తదితరులు నటించిన ఈ చిత్రానికి సంతోష్ నారాయణన్ సంగీతం అందించారు. ఈ చిత్రం బాక్సాఫీస్ వద్ద భారీ వసూళ్లను రాబట్టే అవకాశాలు కనిపిస్తున్నాయి.
