యంగ్ అండ్ ఎనర్జిటిక్ హీరో రామ్ పోతినేని నటించిన లేటెస్ట్ మాస్ యాక్షన్ ఎంటర్‌టైనర్ మూవీ ‘డబుల్ ఇస్మార్ట్’ రిలీజ్‌కి రెడీ అయ్యింది. దర్శకుడు పూరి జగన్నాధ్ తెరకెక్కించిన ఈ పక్కా కమర్షియల్ మూవీ ఖచ్చితంగా విజయం సాధిస్తుందని మేకర్స్ కాన్పిడెంట్‌గా ఉన్నారు. ఇక ఈ సినిమాను భారీ స్థాయిలో రిలీజ్ చేసేందుకు మేకర్స్ సిద్ధమయ్యారు.
అయితే, ఈ సినిమాకు టికెట్ రేట్లు పెంచుకునేందుకు ఏపీ రాష్ట్ర ప్రభుత్వం అనుమతినిచ్చింది. డబుల్ ఇస్మార్ట్ సినిమా రిలీజ్ రోజు నుంచి పది రోజుల పాటు టికెట్ రేట్లు పెంచుకోవచ్చని జీవో పాస్ చేసింది. ఒక్కో టికెట్‌పై రూ.35 పెంచుకునేందుకు ప్రభుత్వం అనుమతి ఇచ్చింది. లాంగ్ వీకెండ్ ఉన్న నేపథ్యంలో ఇది సినిమాకు మంచి బూస్ట్ అని చెప్పాలి.
ఇక ఈ సినిమా కోసం రెండు తెలుగు రాష్ట్రాల ప్రజలతో పాటు ఓవర్సీస్ ఆడియెన్స్ కూడా ఆసక్తిగా ఎదురుచూస్తున్నారు. ఈ సినిమాలో కావ్య థాపర్ హీరోయిన్‌గా నటిస్తుండగా బాలీవుడ్ నటుడు సంజయ్ దత్ విలన్ పాత్రలో నటిస్తున్నాడు. ఈ సినిమాకు మణిశర్మ సంగీతం అందిస్తున్నాడు.
