పవర్ స్టార్ పవన్ కళ్యాణ్ ప్రధాన పాత్రలో, దర్శకుడు సుజీత్ దర్శకత్వంలో తెరకెక్కుతున్న గ్యాంగ్ స్టర్ డ్రామా ఓజి (దే కాల్ హిమ్ ఓజి) పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ చిత్రం ఈ ఏడాది సెప్టెంబర్ 27 వ తేదీన రిలీజ్ కావాల్సి ఉంది. అయితే షూటింగ్ ఇంకా పూర్తి కాకపోవడంతో సినిమాను వాయిదా వేస్తున్నట్లు తెలిపారు మేకర్స్. అయితే ఈ చిత్రం నుండి రిలీజైన గ్లింప్స్ మాత్రం అభిమానులకి సాలిడ్ ఫీస్ట్ లా మారింది.
పవన్ కళ్యాణ్ ను ఎలా అయితే చూడాలి అని అభిమానులు అనుకుంటున్నారో, ఆ లెవెల్లో గ్లింప్స్ ఉండటంతో సినిమా కోసం అందరూ ఎంతో ఆసక్తిగా ఎదురు చూస్తున్నారు. ఈ నేపథ్యంలో గ్లింప్స్ కి వచ్చిన రెస్పాన్స్ పట్ల అర్జున్ దాస్ మరోసారి రెస్పాండ్ అయ్యాడు. ఈ గ్లింప్స్ కి అర్జున్ వాయిస్ ఓవర్ ఇచ్చిన సంగతి తెలిసిందే. సుదర్శన్ 35ఎంఎం లేదా సంధ్య లో ఈ చిత్రాన్ని ఫస్ట్ డే ఫస్ట్ షో చూడటానికి వేచి ఉండలేను అని పేర్కొన్నాడు. సోషల్ మీడియాలో చేసిన ఈ పోస్ట్ కొద్ది సేపటికే వైరల్ గా మారింది. ఇమ్రాన్ హష్మీ విలన్ పాత్రలో నటిస్తున్న ఈ చిత్రంలో శ్రియా రెడ్డి మరొక కీలక పాత్రలో కనిపించనుంది. మ్యూజికల్ సెన్సేషన్ థమన్ ఈ చిత్రానికి సంగీతం అందిస్తున్నాడు.
Can’t wait to watch the #FDFS at Sudarshan 35MM / Sandhya with all of you ???? https://t.co/Y4r8mhIKVr
— Arjun Das (@iam_arjundas) August 30, 2024