ఐకాన్ స్టార్ అల్లు అర్జున్ ప్రస్తుతం సుకుమార్ దర్శకత్వంలో పుష్ప ది రూల్ మూవీ చేస్తున్నారు. వేగంగా షూటింగ్ జరుపుకుంటున్న ఈ మూవీలో రష్మిక మందన్న హీరోయిన్ గా నటిస్తుండగా మైత్రి మూవీ మేకర్స్ ఈ సినిమాని నిర్మిస్తోంది. ఇక మరోవైపు యాడ్స్ తో కూడా దూసుకెళ్తున్న అల్లు అర్జున్ లేటెస్ట్ గా ఆహా ఓటిటి ద్వారా సరికొత్తగా ఆడియన్స్ ముందుకి వచ్చేందుకు సిద్ధం అయ్యారు. ఇప్పటికీ ఆహా లో ప్రసారం కానున్న దీనిలో అల్లు అర్జున్ కి జోడీగా శ్రీలీల నటిస్తున్నట్లు మేకర్స్ ప్రకటించారు.
విషయం ఏమిటంటే, కొద్దిసేపటి క్రితం దీనికి సంబంధించి అర్జున్ లీల గ్లింప్స్ ని యూట్యూబ్ లో రిలీజ్ చేసారు. హీరోయిన్ శ్రీలీల మెడ పై ఒక రౌడీ కత్తి పెట్టడం, అనంతరం అతినికి గన్ గురిపెట్టిన పోలీస్ హ్యాండ్సప్ అని అనడంతో, మరి దీని పీక మీద కత్తి ఎవరు పెడతారు అంటూ రౌడీ రిప్లై ఇవ్వడం జరుగుతుంది. ఆ వెంటనే పోలీస్ అంటూ అల్లు అర్జున్ ఒక కారులో నుండి స్టైలిష్ లుక్ లో దిగడం చూడవచ్చు. మొత్తంగా ఈ గ్లింప్స్ ప్రస్తుతం అందరినీ ఇంట్రెస్టింగ్ గా ఆకట్టుకుంటుండగా ఫుల్ వీడియోని రేపు ఉదయం 10 గంటలకు తమ ఆహా ఓటిటి లో ప్రసారం చేయనున్నట్లు వీడియోలో మేకర్స్ తెలిపారు. అయితే ఇది ఎదైనా షోనా లేక సిరీసా లేక యాడ్ అనేది తెలియాలి అంటే రేపు ఉదయం 10 గంటల వరకు ఆగాల్సిందే.
వీడియో కోసం ఇక్కడ క్లిక్ చేయండి