నందమూరి కళ్యాణ్ రామ్ మోస్ట్ ఎవైటెడ్ మూవీ అర్జున్ S/O వైజయంతి. ఈ చిత్రంలో విజయశాంతి పవర్ ఫుల్ పాత్రలో కనిపిస్తున్నారు. ఈ యాక్షన్-ప్యాక్డ్ ఫ్యామిలీ ఎంటర్‌టైనర్‌లో ఈ రెండు పాత్రలు మధ్య డైనమిక్స్ కీలకంగా ఉండబోతున్నాయి. ప్రదీప్ చిలుకూరి దర్శకత్వం వహించి ఈ చిత్రాన్ని అశోక క్రియేషన్స్, ఎన్టీఆర్ ఆర్ట్స్ బ్యానర్‌లపై అశోక్ వర్ధన్ ముప్పా, సునీల్ బలుసు నిర్మించారు. ‘అర్జున్ S/O వైజయంతి’ టీజర్, ట్రైలర్, సాంగ్స్ కి ట్రెమండస్ రెస్పాన్స్ వచ్చింది. ఈ సినిమా ఏప్రిల్ 18న ప్రపంచవ్యాప్తంగా థియేటర్లలో గ్రాండ్ రిలీజ్ కానుంది. ఈ సందర్భంగా నిర్మాతలు అశోక్ వర్ధన్ ముప్పా, సునీల్ బలుసు విలేకరులు సమావేశంలో సినిమా విశేషాలు పంచుకున్నారు.
అర్జున్ S/O వైజయంతి మూవీ ఎలా స్టార్ట్ అయింది?
కళ్యాణ్ రామ్ గారితో ఒక సినిమా చేయాలనుకున్నాం. ఆయన ఎక్స్పెరిమెంటల్ ఫిలిమ్స్ ఎక్కువగా చేస్తున్నారు. ఒక మాస్ కమర్షియల్ సినిమాని ఆయనతో చేయాలని ఈ కథని సిద్ధం చేయించాం. కథ ఆలోచన దగ్గర నుంచి ప్రతిదీ కళ్యాణ్ రామ్ గారి కోసం తయారుచేసినవే. మదర్ క్యారెక్టర్ ను విజయశాంతి గారు చేయాలని ముందే ఫిక్స్ అయ్యాం. అన్ని ప్లాన్ చేసుకుని చేసిన సినిమా ఇది. మంచి ఎమోషనల్ యాక్షన్ ఫిల్మ్.
దర్శకుడిగా ప్రదీప్ గారిని ఎంపిక చేసుకోడనికి కారణం?
ప్రదీప్ గారితో నేనొక వెబ్ ఫిల్మ్ చేశాను. ఆయనతో నాకు మంచి ఎక్స్పీరియన్స్ ఉంది. ఈ కథకు ఆయన బెటర్ అనిపించింది. హై ఎమోషన్ ఉన్న ఈ సినిమాని ఆయన అద్భుతంగా తీశారు.
విజయశాంతి గారి పాత్ర గురించి?
లేడీ పోలీస్ ఆఫీసర్ అనగానే విజయశాంతి గారే గుర్తుకు వస్తారు. కర్తవ్యం సినిమా స్ఫూర్తితో తీర్చిదిద్దిన పాత్రలో కనిపిస్తారు. ఈ కథని ఆమె ఓకే చేస్తారని మాకు గట్టి నమ్మకం. మా నమ్మకం ప్రకారం ఈ సినిమాని ఆమె ఒప్పుకోవడం చాలా ఆనందాన్ని ఇచ్చింది. ఇందులో చాలా పవర్ ఫుల్ రోల్ చేశారు.
ఫైనల్ అవుట్ ఫుట్ చూసుకున్నాక మీ అంచనాలు అందుకున్నట్లు అనిపించిందా?
కచ్చితంగా. మేము అనుకున్న దాని కంటే సినిమా చాలా అద్భుతంగా వచ్చింది.
ఎన్టీఆర్ సినిమా చూసి మీతో ఏం షేర్ చేసుకున్నారు?
సినిమా ఫస్ట్ చూసింది ఎన్టీఆర్ గారే. ఆయన చూసిన తర్వాత చాలా కాన్ఫిడెంట్ గా చెప్పారు. ఎమోషనల్ యాక్షన్ బెస్ట్ ఉందని చెప్పారు. రికార్డింగ్ దగ్గర కాంప్రమైజ్ కాకుండా చూకోమని చెప్పారు. అజీనిష్ అద్భుతమైన మ్యూజిక్ ఇచ్చాడు. ఎన్టీఆర్ గారు చెప్పినట్లు చివరి ఇరవై నిముషాలు కళ్ళు చెమ్మగిల్లెలా ఉంటుంది. ఇలా రావడానికి కారణం సినిమా బిగినింగ్ నుంచి బిల్డ్ చేసిన ఎమోషన్. ఎన్టీఆర్ గారు చెప్పినట్టు సినిమా కచ్చితంగా పెద్ద హిట్ అవుతుంది.
కథ విషయంలో ఎలాంటి జాగ్రత్తలు తీసుకున్నారు?
ఈ సినిమా కథ చాలా అద్భుతంగా కుదిరింది. కళ్యాణ్ రామ్ గారు విజయశాంతి గారి క్యారెక్టర్స్ పోటాపోటీగా ఉంటాయి. పెర్ఫార్మెన్స్ పరంగా చూసుకుంటే ఈక్వెల్ గా ఉండే క్యారెక్టర్స్. సినిమాలో ఎమోషనల్ అద్భుతంగా ఉంటుంది. సెకండ్ హాఫ్ ఆడియన్స్ ఫోన్ బయటికి తీయరు. అంత ఎంగేజింగ్‌గా ఉంటుంది. నెక్స్ట్ ఏం జరగబోతుందనే ఎక్సయిట్మెంట్ ఉంటుంది. ప్రతి యాక్షన్ సీన్ కథలో భాగంగానే వస్తుంది. ఇలాంటి గ్రిప్పింగ్ స్క్రీన్ ప్లే ఉన్న సినిమాలు చాలా అరుదుగా వస్తుంటాయి.
సోహెల్ ఖాన్ క్యారెక్టర్ గురించి?
ఈ సినిమా నటీనటుల విషయంలో చాలా కేర్ తీసుకున్నాం. ఏదైనా సినిమాలో కొత్తగా అనిపించాలంటే పాత్రలకు ఎంచుకునే కాస్టింగ్ కొత్తగా ఉండాలి. ఈ సినిమాలో విలన్ క్యారెక్టర్ కి సోహెల్ ఖాన్ ని తీసుకోవాలని ఆలోచన డైరెక్టర్ గారిది. తను అద్భుతంగా పెర్ఫార్మ్ చేశారు.
ఇందులో మీకు బెస్ట్ అనిపించిన ఎపిసోడ్ ఏమిటి?
ఇందులో మూడు ఎపిసోడ్లు ది బెస్ట్ అనిపించాయి. ఈ మూడు ఎపిసోడ్లు కూడా సెకండ్ హాఫ్ లో వస్తాయి. మూడు కూడా దేనికవే ప్రత్యేకంగా ఉంటాయి.