‘తెలుగు చలనచిత్ర దర్శకుల సంఘం’ ఆధ్వర్యంలో దర్శక సంజీవని మహోత్సవ అనే కార్యక్రమం జరిగింది. ఐతే, ఈ వేడుకలో హీరో విజయ్ దేవరకొండ ముఖ్య అతిథిగా పాల్గొని.. ఇంట్రెస్టింగ్ కామెంట్స్ చేశారు. విజయ్ దేవరకొండ మాట్లాడుతూ.. ‘వయసులో మీ అందరికంటే చిన్నవాడినైనా ఇందులో భాగం చేసినందుకు సంతోషంగా ఉంది. సక్సెస్‌ కాని దర్శకులు, నటులకు నెల జీతాలుండవు. ఆ జీవితం ఎలా ఉంటుందో నాకు తెలుసు. ప్రతిరోజూ జీవన పోరాటం చేయాల్సిందే.
ఇలాంటి అసోసియేషన్‌ ఉందని తెలీదు. సాయిరాజేష్‌, శివ నిర్వాణ, వీర శంకర్‌లు నన్ను కలవడంతో తెలిసింది. ఇండస్ట్రీలో ఉన్నంత వరకూ తెలుగు ఫిల్మ్‌ డైరెక్టర్‌ అసోసియేషన్‌ కి నా సహకారం ఉంటుంది. ఈరోజు ప్రవేశపెట్టిన హెల్త్‌ కార్డ్స్‌, మధ్యాహ్న భోజన సదుపాయం ఉపయోగపడుతుందని ఆశిస్తున్నాను’ అని విజయ్ దేవరకొండ చెప్పుకొచ్చాడు.
