టాలీవుడ్‌లో తెరకెక్కుతున్న మూవీ ‘దేవకీ నందన వాసుదేవ’ ప్రేక్షకుల్లో ఇప్పటికే మంచి బజ్‌ని క్రియేట్ చేసింది. హీరో అశోక్ గల్లా లీడ్ రోల్‌లో నటిస్తున్న ఈ సినిమాను అర్జున్ జంధ్యాల డైరెక్ట్ చేస్తుండగా పూర్తి యాక్షన్ ప్యాక్డ్ ఫ్యామిలీ ఎంటర్‌టైనర్‌గా చిత్ర యూనిట్ రూపొందించింది. అయితే, ఈ సినిమాను నవంబర్ 14న గ్రాండ్ రిలీజ్ చేస్తున్నట్లు ఇప్పటికే అనౌన్స్ చేసిన చిత్ర యూనిట్, ఇప్పుడు రిలీజ్ డేట్‌ను వాయిదా వేశారు.
ఈ సినిమాను నవంబర్ 22న రిలీజ్ చేస్తున్నట్లు చిత్ర యూనిట్ తాజాగా అనౌన్స్ చేసింది. దీంతో ఈ మూవీకి ప్రమోషన్స్ చేసేందుకు మరో వారం రోజుల సమయం కలిసొచ్చిందని మేకర్స్ తెలిపారు. ఇక ఈ సినిమాకు దర్శకుడు ప్రశాంత్ వర్మ కథను అందించడంతో ప్రేక్షకుల్లో ఈ సినిమాపై మంచి పాజిటివ్ వైబ్స్ క్రియేట్ అయ్యాయి. అయితే, ఈ సినిమాకు సరైన ప్రమోషన్స్ లేనందునే వారం రోజుల పాటు వాయిదా వేస్తున్నట్లు చిత్ర యూనిట్ చెబుతోంది.
ఇక ఈ సినిమాలో వారణాసి మానస హీరోయిన్‌గా నటిస్తుండగా భీమ్స్ సిసిరోలియో ఈ చిత్రానికి సంగీతాన్ని అందిస్తున్నాడు. సోమినేని బాలకృష్ణ ఈ సినిమాను ప్రొడ్యూస్ చేస్తున్నారు. మరి ఈ సినిమాకు మరో వారం రోజుల వ్యవధి దొరకడంతో ప్రమోషన్స్‌ను గ్రాండ్‌గా నిర్వహించాలని చిత్ర యూనిట్ భావిస్తోంది.
