మాస్ కా దాస్ విశ్వక్ సేన్ హీరోగా, రుక్సర్ దిల్లాన్ హీరోయిన్‌గా విద్యాసాగర్ చింతా దర్శకత్వంలో తెరకెక్కిన విభిన్న కథా చిత్రం “అశోకవనంలో అర్జున కళ్యాణం”. బీవీఎస్ఎన్ ప్రసాద్ సమర్పణలో ఎస్వీసీసీ డిజిటల్ బ్యానర్‌పై బాపినీడు, సుధీర్ ఈదర సంయుక్తంగా నిర్మించిన ఈ చిత్రం మే 6న ప్రేక్షకుల ముందుకు వచ్చి మంచి సక్సెస్‌ని అందుకుంది.
అయితే తాజాగా ఈ మూవీ ఓటీటీ రిలీజ్‌కు రెడీ అయ్యిందని, ఈ సినిమా డిజిటల్ రైట్స్‌ను సొంతం చేసుకున్న ఆహాలో మే 27 నుంచి స్ట్రీమింగ్‌ కానున్నట్లు ఓ వార్త సోషల్‌ మీడియాలో చక్కర్లు కొడుతోంది. అయితే ఇందులో ఎంతవరకు నిజముందో తెలియాలంటే ఆహా నుంచి అధికారిక ప్రకటన వచ్చేవరకు వేచి చూడాల్సిందే.
