యువ నటి అవికా గోర్, చిన్నారి పెళ్లికూతురు సీరియల్ ద్వారా బాలనటిగా ఆడియన్స్ ముందుకి వచ్చారు. అనంతరం రాజ్ తరుణ్ హీరోగా నటించిన ఉయ్యాల జంపాల హీరోయిన్ గా ఆమె నటించిన తొలి సినిమా. ఆ విధంగా తొలి సినిమాతోనే మంచి సక్సెస్ సొంతం చేసుకున్న అవికా గోర్ అక్కడి నుండి తెలుగుతో పాటు ఇతర భాషల్లో కూడా సినిమాలు చేస్తూ కొనసాగుతున్నారు. ఇక తాజాగా 1920 హారర్స్ ఆఫ్ ది హార్ట్ సినిమా ద్వారా ఆడియన్స్ ముందుకి వచ్చారు. ఇటీవల హిందీలో రిలీజ్ అయిన ఈ సినిమాని మహేష్ భట్ రచించగా కృష్ణ భట్ తెరకెక్కించారు.
విక్రమ్ భట్ ప్రొడక్షన్, హౌస్ ఫుల్ మోషన్ పిక్చర్స్ ప్రైవేట్ లిమిటెడ్ సంస్థల పై భారీగా రూపొందిన ఈ మూవీ థియేటర్స్ లో ఆడియన్స్ ని పెద్దగా ఆకట్టుకోలేకపోయింది. కాగా మ్యాటర్ మిటంటే, ఈ మూవీ నేటి నుండి ప్రముఖ ఓటిటి మాధ్యమం డిస్నీ హాట్ స్టార్ ప్లస్ ఆడియన్స్ ముందుకి వచ్చింది. ప్రస్తుతానికి ఈ మూవీ హిందీ భాషలో మాత్రమే అందుబాటులో ఉంది. పునీత్ దీక్షిత్ సంగీతం అందించిన ఈ మూవీలో రాహుల్ దేవ్, బర్ఖా బిస్ట్, రణధీర్ రాయ్, దనీష్ పండోర్, కేతకి కులకర్ణి తదితరులు కీలక పాత్రలు చేసారు.
