ప్రస్తుతం వరల్డ్ వైడ్ గా మళ్లీ ఓ రేంజ్ లో వినిపిస్తున్న క్రేజీ వెబ్ సిరీస్ ఏదన్నా ఉంది అంటే అది డెఫినెట్ గా కొరియన్ హిట్ సిరీస్ “స్క్విడ్ గేమ్” అనే చెప్పాలి. గత కొన్నేళ్ల కితం వచ్చిన సీజన్ 1 బిగ్ హిట్ అయ్యింది. దీనితో సీజన్ 2 పై కూడా మంచి అంచనాలు నెలకొన్నాయి. ఇలా భారీ హైప్ నడుమ రీసెంట్ గానే వచ్చిన ఈ సీజన్ కూడా రికార్డ్ రెస్పాన్స్ ని సొంతం చేసుకుంది.
అయితే సీజన్ 2ని అర్ధాంతరంగా ఆపేయడం చాలా మందికి నచ్చలేదు దీనితో సీజన్ 3 కోసం అంతా ఆసక్తిగా ఎదురు చూస్తున్నారు. మరి ఈ సీజన్ బి నెట్ ఫ్లిక్స్ వారు ఈ 2025 లోనే తీసుకొస్తున్నట్టు కన్ఫర్మ్ చేశారు కానీ డేట్ ని ఇవ్వలేదు. కానీ ఇపుడు ఈ డేట్ లీక్ అయ్యినట్టు తెలుస్తోంది. దీనితో ఈ ఏడాది జూన్ 27 నుంచి స్క్విడ్ గేమ్ 3 నెట్ ఫ్లిక్స్ లో స్ట్రీమింగ్ కానుందట. మరి దీనిపై అధికారిక ప్రకటన ఇంకా రావాల్సి ఉంది.