రెబల్ స్టార్ ప్రభాస్ ప్రధాన పాత్రలో, దర్శక దిగ్గజం ఎస్ ఎస్ రాజమౌళి దర్శకత్వంలో తెరకెక్కిన బహుబలి చిత్రం వరల్డ్ వైడ్ గా సూపర్ క్రేజ్ ను సొంతం చేసుకుంది. బాహుబలి పాత్రకి ప్రభాస్ పూర్తి న్యాయం చేశాడు. ఈ చిత్రం భారతీయ సినీ చరిత్రలో చెరగని ముద్ర వేసింది. బాహుబలి సిరీస్ చిత్రాల తరువాత, అదే రేంజ్ లో క్రేజ్ ను సొంతం చేసుకున్న సిరీస్ ఏదైనా ఉంది అంటే, అది బాహుబలి క్రౌన్ ఆఫ్ బ్లడ్. ఈ యానిమేటెడ్ సిరీస్ మే 17 నుండి డిస్నీ ప్లస్ హాట్ స్టార్ లో స్ట్రీమింగ్ కి అందుబాటులో ఉంది.
ప్రభాస్ మరియు జక్కన్న రాజమౌళి క్రియేట్ చేసిన బాహుబలి ఇంపాక్ట్ తో ఈ సిరీస్ సూపర్ రెస్పాన్స్ తో దూసుకు పోతుంది. తాజాగా ఈ సిరీస్ తమిళం లో అందుబాటులోకి వచ్చింది. ఇక్కడ రెస్పాన్స్ ఎలా ఉంటుందో చూడాలి. ఈ సిరీస్ లో బాహుబలి, భళ్లాల దేవ వీరోచిత ప్రదర్శనలు ఉన్నాయి. రక్తదేవ్ అనే పాత్ర ఎంటర్ టైనింగ్ గా ఉంటుంది. ది లెజండ్ ఆఫ్ హనుమాన్ ను తెరకెక్కించిన కంగ్ మరియు నవీన్ జాన్ లు ఈ సిరీస్ కి దర్శకత్వం వహించగా, రాజమౌళి, శోభు యార్లగడ్డ, దేవరాజన్ లు నిర్మించారు.
