అరణ్మనై 4 (తమిళం) చిత్రం తెలుగు లో బాక్ అనే టైటిల్ తో మే 3, 2024 న వరల్డ్ వైడ్ గా థియేటర్ల లో రిలీజ్ అయ్యింది. ఈ హార్రర్ కామెడీ ఎంటర్టైనర్ లో తమన్నా భాటియా, రాశి ఖన్నా, సుందర్ సి లు ప్రధాన పాత్రల్లో నటించడం జరిగింది. ఈ చిత్రానికి సుందర్ సి దర్శకత్వం కూడా వహించాడు. ఈ చిత్రం ప్రేక్షకులను అలరించడం మాత్రమే కాకుండా, బాక్సాఫీస్ వద్ద మంచి వసూళ్లను రాబట్టడం జరిగింది. ఈ చిత్రం డిజిటల్ ప్రీమియర్ గా మరోసారి ఆడియెన్స్ ను అలరించడానికి రెడీ అయిపోయింది.
జూన్ 21, 2024 నుండి డిస్నీ ప్లస్ హాట్ స్టార్ లో స్ట్రీమింగ్ కానుంది. ఇదే విషయాన్ని సరికొత్త పోస్టర్ ద్వారా వెల్లడించారు. వెన్నెల కిషోర్, సునీల్, యోగి బాబు, శ్రీనివాస రెడ్డి, కెఎస్ రవి కుమార్ కీలక పాత్రల్లో నటించిన ఈ చిత్రాన్ని సుందర్ భార్య ఖుష్భు సుందర్ మరియు ACS అరుణ్ కుమార్ నిర్మించారు. డిజిటల్ ప్రీమియర్ గా ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
