కన్నడ స్టార్ నటుడు శ్రీమురళి హీరోగా రుక్మిణి వసంత్ హీరోయిన్ గా దర్శకుడు సూరి తెరకెక్కించిన భారీ యాక్షన్ చిత్రమే “బఘీర”. మరి ఒక సెమీ సూపర్ హీరో కథలా వచ్చిన ఈ భారీ సినిమా ఇటీవల దీపావళి కానుకగా అయితే థియేటర్స్ లో విడుదలకి వచ్చింది.
మరి ఇంకా నెల కూడా పూర్తి కాకుండానే ఈ సినిమా ఓటీటీలో స్ట్రీమింగ్ కి అయితే వచ్చేసింది. మరి ఈ సినిమా స్ట్రీమింగ్ హక్కుల్ని దిగ్గజ స్ట్రీమింగ్ సంస్థ నెట్ ఫ్లిక్స్ సొంతం చేసుకున్న సంగతి తెలిసిందే. అయితే ఈ చిత్రాన్ని వారు పాన్ సౌత్ భాషలు సహా తులు భాషలో కూడా నేటి నుంచి తీసుకొస్తున్నట్టు నిన్న కన్ఫర్మ్ చేశారు.
కానీ ఇపుడు ట్విస్ట్ ఏమిటంటే ఈ చిత్రం కేవలం తెలుగు సహా కన్నడ భాషల్లో మాత్రమే అందుబాటులోకి వచ్చింది. మిగతా భాషల్లో త్వరలో యాడ్ చేస్తామంటున్నారు. మరి ఈ సినిమా చూడాలి అనుకుంటే నెట్ ఫ్లిక్స్ లో నేటి నుంచి అందుబాటులోకి వచ్చేసింది ట్రై చేయవచ్చు.
