టాలీవుడ్ లో చిన్న చిత్రం గా రిలీజై ప్రేక్షకులను విశేషం గా ఆకట్టుకున్న చిత్రం బలగం. నటుడు, కమెడియన్ వేణు దర్శకత్వం లో తెరకెక్కిన ఈ విలేజ్ కామెడీ డ్రామా బాక్సాఫీస్ వద్ద సాలిడ్ వసూళ్లను రాబట్టడం జరిగింది. డిజిటల్ ప్రీమియర్ గా సెన్సేషన్ రెస్పాన్స్ ను అందుకున్న ఈ చిత్రం, బుల్లితెర పై మరోసారి ప్రేక్షకులను అలరించిన సంగతి అందరికీ తెలిసిందే.
ఈ చిత్రం రెండోసారి కూడా సాలిడ్ టీఆర్పీ రేటింగ్ ను రాబట్టడం జరిగింది. స్టార్ మా లో రెండోసారి ప్రసారం అయిన బలగం చిత్రం 9.08 టీఆర్పీ రేటింగ్ ను రాబట్టింది. మొదటి సారి 14.3 రాబట్టింది. బలగం బుల్లితెర పై కూడా బ్లాక్ బస్టర్ గా నిలిచింది. ప్రియదర్శి, కావ్య కళ్యాణ్ రామ్ లు ప్రధాన పాత్రల్లో నటించిన ఈ చిత్రానికి భీమ్స్ సిసిరోలియో సంగీతం అందించారు.
