నటుడు, కమెడియన్ వేణు ఎల్డండి దర్శకత్వం లో తెరకెక్కిన విలేజ్ ఫ్యామిలీ డ్రామా బలగం. ప్రియదర్శి, కావ్య కళ్యాణ్ రామ్ ప్రధాన పాత్రల్లో నటించిన ఈ చిత్రం థియేటర్ల లో విడుదల అయ్యి ప్రేక్షకులను విశేషం గా ఆకట్టుకుంది. బాక్సాఫీస్ వద్ద భారీ వసూళ్లను రాబట్టిన ఈ చిత్రం డిజిటల్ ప్రీమియర్ గా కూడా తన సత్తా చాటింది. ఈ చిత్రం ఇప్పుడు బుల్లితెర ప్రేక్షకులను అలరించడానికి సిద్ధం అవుతోంది.
వచ్చే ఆదివారం స్టార్ మా ఛానల్ లో సాయంత్రం 6 గంటలకు బలగం చిత్రం వరల్డ్ టెలివిజన్ ప్రీమియర్ గా ప్రసారం కానుంది. ఇప్పటికే ఎన్నో ప్రశంసలు, అవార్డులు అందుకున్న ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
