నంద‌మూరి బాల‌కృష్ణ ప్రస్తుతం త‌న కెరీర్ లోని 109వ చిత్రాన్ని ద‌ర్శ‌కుడు బాబీ డైరెక్ష‌న్ లో తెర‌కెక్కిస్తున్నాడు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ సినిమాలో ఓ ప‌వ‌ర్ఫుల్ పాత్ర‌లో బాల‌య్య క‌నిపిస్తాడు. ఇక ఈ సినిమాను వీలైనంత త్వ‌ర‌గా పూర్తి చేసి ప్రేక్ష‌కుల ముందుకు తీసుకొచ్చేందుకు చిత్ర యూనిట్ ప్ర‌య‌త్నిస్తోంది.

కాగా, ద‌స‌రా కానుక‌గా బాల‌య్య ఓ ట్రీట్ రెడీ చేస్తున్న‌ట్లుగా తెలుస్తోంది. బాల‌య్య హోస్ట్ చేసిన అన్‌స్టాప‌బుల్ టాక్ షో ఎంత‌టి విజ‌యాన్ని అందుకుందో మ‌నం చూశాం. ప్ర‌ముఖ ఓటీటీ ప్లాట్‌ఫామ్ ఆహాలో ఈ టాక్ షో స్ట్రీమ్ అయ్యింది. ఇక రెండు సీజన్లు కూడా భారీ విజ‌యాన్ని అందుకున్నాయి. లిమిటెడ్ వెర్షన్‌లో మూడో సీజన్ కూడా స్ట్రీమ్ అయ్యింది. దీంతో నిర్వాహ‌కులు ఇప్పుడు నాలుగో సీజ‌న్‌ను రెడీ చేస్తున్నార‌ట‌. సెప్టెంబ‌ర్ లో అన్ స్టాప‌బుల్ సీజ‌న్-4ని స్టార్ట్ చేసి తొలి ఎపిసోడ్‌ని ద‌స‌రా కానుక‌గా స్ట్రీమ్ చేయాల‌ని చూస్తున్నార‌ట‌.

దీంతో ఈ టాక్ షోతో మ‌రోసారి బాల‌య్య త‌న స‌త్తా చాటేందుకు రెడీ అవుతున్నాడు. ఇక ఈ మూడో సీజన్ లో చాలా మంది సెల‌బ్రిటీల‌ను బాల‌య్య ఇంట‌ర్వ్యూ చేయ‌నున్నాడ‌ని టాక్ వినిపిస్తోంది. దీనికి సంబంధించిన అఫీషియ‌ల్ అనౌన్స్మెంట్ వ‌చ్చే వ‌ర‌కు ఫ్యాన్స్ వెయిట్ చేయాల్సిందే.