సంక్రాతి సమయంలో నందమూరి బాలకృష్ణ కు బాక్స్ ఆఫీసు వద్ద ఓ ప్రత్యేకత ఉంది. ఆ సమయంలో వచ్చిన అతని చిత్రాల్లో కొన్ని అతిపెద్ద బ్లాక్ బస్టర్ మూవీస్ గా నిలిచాయి. ఈ సంక్రాతి కి ‘అధినాయకుడు’ విడుదల కానుందని అధికారికంగా ప్రకటించటంతో ఈ పెద్ద పండుగ రేసులో బాలయ్య పోటీపడుతున్నట్టు స్పష్టమవుతోంది.
‘అధినాయకుడు’ చిత్రం 2012 జనవరి 12 వ తేదీన ప్రేక్షకుల ముందుకు రాబోతుందని చిత్ర నిర్మాత ఎంఎల్ పద్మ కుమార్ చౌదరి ప్రకటించారు. ఈ సినిమాకు పరుచూరి మురళి దర్శకత్వ భాద్యతలు నిర్వర్తిస్తున్నారు. ఈ మూవీ పొలిటికల్ బ్యాక్ డ్రాప్ తో కూడిన పవర్ ఫుల్ ఎంటర్ టైనర్ గా ఉంటుంది. ఈ చిత్రంలో బాలయ్య మూడు విభిన్న పాత్రల్లో కనిపించబోతున్నారు. అందులో ఒకటి.. పెద్ద నేతగా బాలకృష్ణ అవతారం. ఈ గెట్ అప్ కు చిత్ర ప్రేమికుల్లో ఇప్పటికే విశేష స్పందన లభించింది.
ఒక సాంగ్ మినహా ఈ చిత్ర షూటింగ్ దాదాపు పూర్తి అయింది. బాలయ్యబాబు సరసన సలోని, లక్ష్మిరాయ్ హీరొయిన్లు గా నటిస్తున్నారు. కళ్యాణ్ మాలిక్ సంగీతం.