మాస్ డైరెక్టర్ బోయపాటి శ్రీను దర్శకత్వంలో బాలయ్య బాబు హీరోగా రాబోతున్న సినిమాలో బాలకృష్ణ రెండు విభిన్న పాత్రల్లో కనిపించనున్నారు. అయితే అందులో ఒక పాత్ర అఘోర పాత్ర. దీని కోసం రెండు రకాల గెటప్పులు డిజైన్ చేసినట్టు సమాచారం. త్వరలో ఆ రెండు గెటప్పులతో బాలయ్యకు మేకప్‌ టెస్ట్‌ లు చేసి అందులో ఒక గెటప్పుని ఫైనల్ చేయాలని బోయపాటి ప్లాన్ చేస్తున్నాడు. అన్నికుదిరితే సినిమాని కూడా త్వరలోనే పట్టాలెక్కించనున్నారు.
ఇక ఈ సినిమా టైటిల్‌ పై అనేక రూమర్స్ వచ్చాయి. తాజాగా ఈ చిత్రానికి ‘మోనార్క్‌’ అనే టైటిల్‌ ను ఫిక్స్ చేశారని కూడా టాక్‌ వినిపిస్తోంది. జూన్ 10న బాలకృష్ణ పుట్టినరోజు సందర్భంగా ఈ టైటిల్‌ ను అధికారికంగా ప్రకటించే అవకాశం ఉంది. అయితే ఈ వార్త పై ఇంకా ఎలాంటి అధికారిక ప్రకటన రాలేదు. ఈ సినిమాలో బాలయ్య సరసన కొత్త హీరోయిన్ నటిస్తోంది.
ఇక బాలయ్యకు ‘సింహ’, ‘లెజెండ్’ లాంటి సూపర్ విజయాలను అందించారు బోయపాటి. కాబట్టి ఈసారి కూడా సూపర్ హిట్ ఇస్తాడని బాలయ్య ఫ్యాన్స్ ఆశిస్తున్నారు. ద్వారక క్రియేషన్స్‌ పతాకంపై మిర్యాల రవీందర్‌రెడ్డి ఈ చిత్రాన్ని నిర్మిస్తున్నారు. తమన్‌ సంగీతం అందిస్తున్నారు.