ప్రస్తుతం నందమూరి నటసింహం బాలకృష్ణ హీరోగా తన కెరీర్ 109 సినిమాని చేస్తున్న సంగతి అందరికీ తెలిసిందే. మరి ఈ చిత్రాన్ని దర్శకుడు కొల్లి బాబీ తెరకెక్కిస్తుండగా బాలయ్య అభిమానులు భారీ అంచనాలు ఈ చిత్రంపై పెట్టుకున్నారు. అయితే ఈ సినిమా షూటింగ్ ఇప్పుడు శరవేగంగా పూర్తి అవుతుండగా ఈ సినిమాలో బాలయ్య అయితే మూడు డిఫరెంట్ షేడ్స్ లో కనిపించనున్నట్టుగా ఇప్పుడు తెలుస్తుంది.
ఆల్రెడీ ఫస్ట్ గ్లింప్స్ లో బాలయ్య ఓ లుక్ లో కనిపించిన సంగతి తెలిసిందే. అలాగే మధ్యలో ఒక సాల్ట్ అండ్ పెప్పర్ లుక్ లో కూడా కనిపించారు. ఇక రీసెంట్ గానే దర్శకుడు బాబీ ఇచ్చిన పోస్ట్ తో ఆ రెండు కాకుండా పూర్తిగా గడ్డం లేకుండా బాలయ్య దర్శనం ఇచ్చారు. దీనితో ఇలా మొత్తం మూడు డిఫరెంట్ లుక్స్ లో బాలయ్య ఫ్యాన్స్ కి ట్రీట్ ఇచ్చేలా ఉన్నారని చెప్పాలి. ఇక ఈ చిత్రానికి థమన్ సంగీతం అందిస్తుండగా బాబీ డియోల్, ఊర్వశి రౌటేలా తదితరులు నటిస్తున్నారు అలాగే సితార ఎంటర్టైన్మెంట్స్, ఫార్చూన్ ఫోర్ సినిమాస్ వారు నిర్మాణం వహించారు.
