పి. జెయేంద్ర సినిమా ‘180’ ద్వారా ప్రియ ఆనంద్ మనకు సుపరిచితం. ఈమె కొత్త సంవత్సరాన బాలీవుడ్ లో తెరంగేట్రం చేసేందుకు సర్వం సిద్దమైంది. 2012 లో ప్రేక్షకుల ముందుకు రాబోతున్న బాల్కి హిందీ చిత్ర షూటింగ్ లో ప్రియ ఆనంద్ బిజీ బిజీ గా ఉంది. ప్రస్తుతం ఈ సినిమా షూటింగ్ అమెరికా లో జరుగుతోంది. ఇందులో భాగంగా ప్రియ ఆనంద్ అమెరికా లోని న్యూయార్క్ తో పాటు మరికొన్ని నగరాల్లో నెల రోజులుగా షూటింగ్ లో పాల్గొంటోంది. కాగా, ఈ చిత్ర షూటింగ్ దాదాపు పూర్తి కావచ్చింది.

బాల్కి ఇంతకుముందు విమర్శకుల ప్రసంసలు సైతం పొందిన ‘చీని కం’ , ‘పా’ వంటి చిత్రాలను అందించారు. గత సినిమాలు పరిగణలోకి తీసుకుంటే ఆయా చిత్రాల్లోని ప్రముఖ తారాగణం నుంచి బాల్కి అద్భుతమైన నటన రాబట్ట గలిగారు. ఈ తరహా లోనే ప్రియ ఆనంద్ కూడా వన్నెలీనుతుందని భావించవచ్చు. ఈ మూవీ కి సంబంధించిన మరింత సమాచారం త్వరలోనే ప్రకటించే అవకాశం ఉంది.