సంచలన దర్శకుడు రాంగోపాల్ వర్మ నిర్మాణం లో వస్తోన్న ‘బెజవాడ’ చిత్రం కోసం నటి అమలపాల్ ఎంతో ఆత్రంగా ఎదురుచూస్తోంది. ఈ చిత్రం లో ఆమె నాగ చైతన్య సరసన ప్రధాన పాత్రను పోషిస్తోంది. తన ఈ తొలి చిత్రం కెరీర్ పరంగా మంచి నాంది ప్రస్తానం కావాలని ఈ అమ్మడు కోరుకుంటోంది.
‘బెజవాడ’ లో ఆమె రౌడీని ప్రేమించే ఒక ధైర్యవంతమైన పాత్రను పోషిస్తోంది. రాంగోపాల్ వర్మ శిష్యుడు వివేక్ కృష్ణ ఈ చిత్రానికి దర్శకత్వం వహిస్తున్నారు. 1980 – 90 వ దశకంలో విజయవాడ నగరం లో జరిగిన కొన్ని యదార్థ సంఘటనలు ఆధారంగా ఈ చిత్రాన్ని తెరకెక్కిస్తున్నారు.
ఈ మధ్యనే అమలా పాల్ హీరో సూర్య సరసన నటించే అవకాశాన్ని బుట్టలో వేసుకుంది. సిద్ధార్థ్ తో నటించే మరో ద్విభాషా చిత్రం లో నటించేందుకు ఈమె తాజాగా సంతకం కూడా చేసింది. ఒకదాని వెనుక మరో అవకాశాన్ని అందిపుచ్చుకున్న ఈ అమ్మడు ఇప్పుడు తమిళం లో బిజీ బిజీ తారల సరసన చేరిపోయింది.
కాగా, తొలి తెలుగు చిత్రం బెజవాడ ఆమె కెరీర్ ను ఏ మలుపు తిప్పనుందో వేచి చూడాలి. ఈ సినిమా నవంబర్ 24 వ తేదీన ప్రేక్షకులముందుకు రానుంది.
