టాలీవుడ్ యంగ్ అండ్ టాలెంటెడ్ హీరో బెల్లంకొండ సాయి శ్రీనివాస్ హీరోగా ఇప్పుడు పలు చిత్రాలు చేస్తున్న సంగతి తెలిసిందే. మరి వీటిలో భీమ్లా నాయక్ దర్శకుడు సాగర్ కె చంద్రతో “టైసన్ నాయుడు” సినిమా కూడా చేస్తున్నాడు. ఇక ఈ చిత్రం తర్వాత తన కెరీర్ 11వ సినిమా పై ఇంట్రెస్టింగ్ అప్డేట్ ఇప్పుడు బయటకి వచ్చింది. దర్శకుడు కౌశిక్ పెగాళ్ళపాటి తెరకెక్కించనున్న ఈ చిత్రం రేపు జూన్ 1న ఉదయం పదిన్నరకు ముహూర్త కార్యక్రమాలతో మొదలు కానున్నట్టుగా ఇప్పుడు అనౌన్స్ చేశారు.
అయితే ఈ అనౌన్సమెంట్ పోస్టర్ చూస్తే మంచి ఆసక్తిగా ఉందని చెప్పాలి. ఒక కామిక్ టైప్ పోస్టర్ లా మధ్యలో సెల్ టవర్, పై నుంచి ఒక సైతాను ఉన్నట్టుగా, ఆ టవర్ దిశగా ఓ ఈగ వెళ్తున్నట్టుగా డిజైన్ చేశారు. మరి ఇవన్నీ చూస్తుంటే ఏదో ఇంట్రెస్టింగ్ థ్రిల్లర్ తోనే తాను రాబోతున్నాడు అనిపిస్తుంది. మరి చూడాలి ఈ సినిమా ఎలా ఉంటుంది అనేది. ఇక ఈ చిత్రానికి అజనీష్ లోకనాథ్ సంగీతం అందిస్తుండగా షైన్ స్క్రీన్ సినిమాస్ వారు నిర్మాణం వహిస్తున్నారు.