బెల్లంకొండ శ్రీనివాస్ ప్రస్తుతం వరుసబెట్టి సినిమాలు చేస్తూ బిజీగా ఉన్నాడు. ఇప్పటికే ‘టైసన్ నాయుడు’ సినిమాలో నటిస్తున్న బెల్లంకొండ శ్రీనివాస్, తన నెక్ట్స్ చిత్రంగా ‘కిష్కిందపురి’ మూవీని కూడా తెరకెక్కిస్తున్నాడు ఈ యంగ్ హీరో. ఇక రీసెంట్‌గా లుధీర్ బైరెడ్డి డైరెక్షన్‌లో ఓ సోషియో ఫాంటసీ చిత్రాన్ని ప్రారంభించి పట్టాలెక్కించాడు. ఈ సినిమాను భారీ బడ్జెట్‌తో రూపొందిస్తున్నారు.
ఈ సినిమాలు చిత్రీకరణలో ఉండగానే, బెల్లంకొండ శ్రీనివాస్ ఇప్పుడు మరో క్రేజీ ప్రాజెక్ట్‌కి గ్రీన్ సిగ్నల్ ఇచ్చినట్లుగా తెలుస్తోంది. ‘మా ఊరి పొలిమేర’ చిత్ర దర్శకుడు అనిల్ విశ్వనాథ్ డైరెక్షన్‌లో ఓ సినిమా చేసేందుకు బెల్లంకొండ శ్రీనివాస్ రెడీ అయ్యాడు. ఈ సినిమాను శ్రీనివాస్ చిట్టూరి ప్రొడ్యూస్ చేయనున్నారు. ఇక ఈ సినిమాకు ‘ఆట మొదలైంది’ అనే టైటిల్‌ను ఫిక్స్ చేసేందుకు మేకర్స్ సిద్ధమవుతున్నారట.
అయితే, ఈ సినిమాను పూర్తి యాక్షన్ ఎంటర్‌టైనర్‌తో పాటు సోషియో ఫాంటసీ మూవీగా చిత్ర యూనిట్ రూపొందించనుంది. ఈ సినిమాకు సంబంధించిన షూటింగ్‌ను త్వరలోనే ప్రారంభించాలని బెల్లంకొండ శ్రీనివాస్ ప్లాన్ చేస్తున్నాడట. ఇలా వరుసబెట్టి సినిమాలు చేస్తున్న బెల్లంకొండ శ్రీనివాస్ బాక్సాఫీస్ దగ్గర ఎలాంటి హిట్ అందుకుంటాడో చూడాలి.
