టాలీవుడ్ నటుడు బెల్లంకొండ శ్రీనివాస్ వరుస సినిమాలతో బిజీగా ఉన్నారు. ఈ హీరో ఇప్పటికే చావు కబురు చల్లగా సినిమాతో మంచి గుర్తింపు తెచ్చుకున్న కౌశిక్ పెగళ్లపాటి దర్శకత్వంలో కొత్త సినిమాని ప్రారంభించాడు. రీసెంట్ గా BSS 12 పేరుతో అతని మరొక కొత్త ప్రాజెక్ట్ స్టార్ట్ అయ్యింది. ప్రముఖ దర్శకుడు కోడి రామకృష్ణ జన్మదినాన్ని పురస్కరించుకుని మూన్‌షైన్ పిక్చర్స్ బెల్లంకొండ సాయి శ్రీనివాస్‌తో కలిసి తమ తొలి చిత్రాన్ని ప్రకటించింది. టీమ్ ప్రీ లుక్ పోస్టర్‌ను విడుదల చేయగా, మంచి రెస్పాన్స్ వచ్చింది. ఈ చిత్రాన్ని లుధీర్ బైరెడ్డి డైరెక్ట్ చేస్తున్నారు మరియు మహేష్ చందు నిర్మిస్తున్నారు.
ఈ చిత్రం తరువాత ఈ నటుడు మరొక ఇంట్రెస్టింగ్ ప్రాజెక్ట్ కి ఓకే చేసినట్లు తెలుస్తోంది. నాంది చిత్రం తో టాలీవుడ్ లో మంచి గుర్తింపు తెచ్చుకున్న డైరెక్టర్ విజయ్ కనకమేడల దర్శకత్వంలో ఒక చిత్రం చేయనున్నారు. ఈ చిత్రంలో హీరో నారా రోహిత్ మరొక ప్రధాన పాత్రలో నటించే అవకాశం ఉన్నట్లు సమాచారం. దీనిపై మేకర్స్ నుండి త్వరలో క్లారిటీ రావాల్సి ఉంది.
