గత వారం తెలుగు బాక్సాఫీస్ బ్రహ్మాండంగా మెరవగా ఈ శుక్రవారం మాత్రం అంతలా మెరవలేదు. గత వారం ‘జాతిరత్నాలు, శ్రీకారం, గాలి సంపత్’ లాంటి సినిమాలు రిలీజవ్వగా వాటిలో ‘జాతిరత్నాలు’ సూపర్భ్ ఓపెనింగ్స్ తెచ్చుకోగా ‘శ్రీకారం, గాలి సంపత్’ చిత్రాలు మీడియం స్థాయి స్టార్ట్ తెచ్చుకున్నాయి. అయితే మూడు సినిమాల మీద ప్రేక్షకులు మంచి ఆసక్తిని అయితే కనబర్చారు. కానీ ఈసారి అలా జరగలేదు. ఈరోజు ‘చావు కబురు చల్లగా, శశి, మోసగాళ్లు’ చిత్రాలు విడుదలయ్యాయి. వీటిలో ఏ సినిమా కూడ పూర్తి స్థాయిలో డామినేషన్ కనబర్చలేకపోయింది.
‘చావు కబురు చల్లగా’ చిత్రం పర్వాలేదనే ఓపెనింగ్స్ అందుకోగా ‘శశి’ చిత్రం ఓ మాదిరి ఓపెనింగ్స్ మాత్రమే దక్కించుకుంది. ఇక ‘మోసగాళ్లు’ సినిమా మీద ప్రేక్షకులు ఆసక్తి చూపలేదు. చాలా చోట్ల బుకింగ్స్ నీరసంగా ఉన్నాయి. అలా మూడు సినిమాల్లో ఏదీ కూడ పూర్తిగా పైచేయి సాధించలేకపోయింది. సినిమాల ఫలితాలు కూడా అలానే ఉన్నాయి. ఈ సినిమాకు కంప్లీట్ హిట్ టాక్ లేదు. అన్ని చోట్లా మిశ్రమ స్పందనే వినిపిస్తోంది. మరోవైపు ‘జాతిరత్నాలు’ సినిమా మాత్రం కొత్త సినిమాలు విడుదలైనప్పటికీ మంచి ఆక్యుపెన్సీని తెచ్చుకుంది.