మాస్ రాజా ర‌వితేజ న‌టిస్తున్న లేటెస్ట్ మూవీ ‘మిస్ట‌ర్ బచ్చన్’ ఆగ‌స్టు 15న ప్ర‌పంచ‌వ్యాప్తంగా గ్రాండ్ రిలీజ్ కు రెడీ అవుతోంది. ఈ సినిమాతో మ‌రోసారి బాక్సాఫీస్ ద‌గ్గ‌ర మాస్ మేనియా క్రియేట్ చేసేందుకు ద‌ర్శ‌కుడు హ‌రీష్ శంక‌ర్ పూర్తిగా సిద్ధ‌మ‌వుతున్నారు. ఇక ఈ సినిమాను పూర్తి మాస్ యాక్ష‌న్ ఎంట‌ర్టైన‌ర్ గా మేక‌ర్స్ రూపొందించారు. ఈ సినిమాలో బాలీవుడ్ భామ భాగ్య‌శ్రీ బొర్సె హీరోయిన్ గా టాలీవుడ్ కు ప‌రిచ‌యం అవుతోంది.
ఈ సినిమాలో ఆమె పాత్ర ప్రేక్ష‌కుల‌ను ఆక‌ట్టుకునే విధంగా ఉండ‌బోతుంద‌ని చిత్ర యూనిట్ చెబుతోంది. ఇక అందంతో పాటు అభినయంతోనూ ఈ బ్యూటీ ఆడియెన్స్ ను ఇంప్రెస్ చేయ‌నుంద‌ట. కాగా, ఇప్ప‌టికే రిలీజ్ అయిన సాంగ్స్ లో త‌న డ్యాన్స్ తో పాటు అందంతో యూత్ ను ఆక‌ట్టుకోవ‌డంలో స‌క్సెస్ అయ్యింది ఈ భామ. తాజాగా ట్రెడీషిన‌ల్ వేర్ లో కనిపించి ఆడియెన్స్ లో మంచి ఇంప్రెష‌న్ కొట్టేసింది.
‘మిస్ట‌ర్ బచ్చన్’ రిలీజ్ ద‌గ్గ‌ర‌ప‌డుతుండ‌టంతో గుడిలో పూజ‌లు చేసి ఆశీర్వ‌చ‌నాలు తీసుకుంటున్న ఫోటో ఒక‌టి సోష‌ల్ మీడియాలో వైర‌ల్ అవుతోంది. చీర‌క‌ట్టులో భాగ్య‌శ్రీ ని చూస్తుంటే, అచ్చ‌తెలుగు అమ్మాయిలా ఉందంటూ నెటిజ‌న్లు కామెంట్స్ చేస్తున్నారు.
