యంగ్ హీరో కార్తికేయ గుమ్మకొండ నటించిన తాజా చిత్రం ‘భజే వాయు వేగం’ మంచి అంచనాల మధ్య నేడు థియేటర్లలో రిలీజ్ అయ్యింది. ఈ సినిమాను దర్శకుడు ప్రశాంత్ రెడ్డి పూర్తి యాక్షన్ థ్రిల్లర్‌గా తెరకెక్కించగా, ఇప్పటికే రిలీజ్ అయిన పోస్టర్స్, టీజర్, ట్రైలర్లు ప్రేక్షకుల్లో మంచి బజ్‌ను క్రియేట్ చేశాయి. ఇక ఈ సినిమాతో కార్తికేయ ఖచ్చితంగా హిట్ కొడతాడని ఆయన అభిమానులు ఆశిస్తున్నారు.
కాగా, ఈ సినిమాకు సంబంధించిన ఓటీటీ పార్ట్నర్ వివరాలను తాజాగా చిత్ర యూనిట్ వెల్లడించింది. ఈ మూవీకి సంబంధించిన ఓటీటీ రైట్స్‌ను ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ కొనుగోలు చేసింది. మంచి ఫ్యాన్సీ రేటుకు ఈ రైట్స్‌ను నెట్‌ఫ్లిక్స్ సొంతం చేసుకున్నట్లుగా తెలుస్తోంది.
ఇక ఈ సినిమాలో ఐశ్వర్య మీనన్, రాహుల్ టైసన్, తనికెళ్ల భరణి, రవి శంకర్ తదితరులు ఇతర ముఖ్య పాత్రల్లో నటిస్తున్నారు. యువి క్రియేషన్స్ బ్యానర్‌పై తెరకెక్కిన ఈ సినిమాకు రదాన్, కపిల్ కుమార్ సంగీతాన్ని అందించారు.
