హీరోయిన్ ప్రియమణి ప్రధాన పాత్రలో, 2022లో ఆహా వీడియోలో ప్రీమియర్‌గా వచ్చిన భామాకలాపం ప్రేక్షకులను ఆకట్టుకుంది. ఈ చిత్రానికి సీక్వెల్‌గా భామాకలాపం 2 త్వరలో ఆహా లో విడుదల కానుంది. ఫస్ట్ పార్ట్ కి దర్శకత్వం వహించిన అభిమన్యు దీనిని కూడా దర్శకత్వం వహిస్తున్నారు. ఆహా కొన్ని రోజుల క్రితం ఈ సినిమాకి సంబందించిన గ్లింప్స్ ను ఆవిష్కరించింది.
జనవరి 30న సినిమా టీజర్‌ని విడుదల చేయనున్నట్లు OTT ప్లాట్‌ఫాం తాజాగా వెల్లడించింది. అలాగే టీజర్ తేదీని వెల్లడించేందుకు పవర్‌ఫుల్ పోస్టర్‌ను కూడా విడుదల చేశారు. భామాకలాపం 2 ప్రీమియర్ తేదీ కోసం సినీ అభిమానులు ఆసక్తిగా ఎదురుచూస్తున్నారు. త్వరలో దీనిపై అధికారిక ప్రకటన వెలువడే అవకాశం ఉంది. భామాకలాపం 2లో సీరత్ కపూర్, బ్రహ్మాజీ, రఘు ముఖర్జీ తదితరులు కీలక పాత్రల్లో నటిస్తున్నారు. డ్రీమ్‌ ఫార్మర్స్‌ బ్యానర్‌పై బాపినీడు బి, సుధీర్‌ ఈదర్‌లు ఆహాతో కలిసి నిర్మిస్తున్న ఈ చిత్రానికి ప్రశాంత్‌ ఆర్‌ విహారి సంగీతం అందించారు.