యూనివర్సల్ స్టార్ హీరో కమల్ హాసన్ ప్రధాన పాత్రలో, స్టార్ డైరెక్టర్ శంకర్ దర్శకత్వంలో తెరకెక్కిన యాక్షన్ ఎంటర్టైనర్ భారతీయుడు 2 చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. ఈ చిత్రం కి సీక్వెల్ ను కూడా మేకర్స్ ప్రకటించిన సంగతి తెలిసిందే. ఈ చిత్రం వచ్చే ఏడాది సమ్మర్ కు థియేటర్ల లోకి రానుంది. డైరెక్టర్ శంకర్ సినిమాకి సంబందించిన మిగతా షూటింగ్ ను పూర్తి చేసి, పోస్ట్ ప్రొడక్షన్ కావడానికి చాలా టైమ్ పట్టనుంది. ఈలోపు గేమ్ చేంజర్ ను థియేటర్ల లోకి తీసుకు రానున్నారు. ఈ చిత్రం రిలీజ్ తర్వాత శంకర్ ఫోకస్ పూర్తిగా భారతీయుడు 3 కి షిఫ్ట్ కానుంది.
భారతీయుడు 2 లో హీరో సిద్ధార్థ్, రకుల్ ప్రీత్ సింగ్ బాబీ సింహా, ఎస్.జే సూర్య, ప్రియా భవానీ శంకర్, సముద్రఖని తదితరులు కీలక పాత్రల్లో నటించారు. కాజల్ అగర్వాల్ పార్ట్ 3 లో కనిపించనుంది. లైకా ప్రొడక్షన్స్ మరియు రెడ్ జెయింట్ మూవీస్ పై నిర్మించిన ఈ చిత్రానికి అనిరుద్ రవి చందర్ సంగీతం అందించారు.