మాస్ యాక్షన్ ఎంటర్టైనర్ ల స్పెషలిస్ట్, డాషింగ్ డైరెక్టర్ పూరీ జగన్నాథ్ దర్శకత్వంలో తెరకెక్కిన డబుల్ ఇస్మార్ట్ చిత్రం ప్రమోషన్స్ జోరును పెంచేసింది. ఈ చిత్రం నుండి రిలీజైన ప్రచార చిత్రాలకి ఇప్పటికే సూపర్ రెస్పాన్స్ వచ్చింది. మేకర్స్ రిలీజ్ చేసిన ట్రైలర్ సినిమా పై అంచనాలను మరింత పెంచేసింది. ఇప్పుడు మరో గ్రాండ్ ఈవెంట్ కి మేకర్స్ ప్లాన్ చేస్తున్నారు.
ఈ చిత్రం నుండి బిగ్ బుల్ సాంగ్ ను రిలీజ్ చేసేందుకు సన్నాహాలు చేస్తున్నారు. ఈ బిగ్ బుల్ సాంగ్ ను ఆగస్టు 8 వ తేదీన, మధ్యాహ్నం 3 గంటలకి PVR ఐకాన్, ఇన్ఫినిటీ మాల్, అందేరి వెస్ట్, ముంబై లో లాంఛ్ చేయనున్నారు. ఇదే విషయాన్ని ఒక పోస్టర్ ద్వారా వెల్లడించారు. ఈ పోస్టర్ లో సంజయ్ దత్ మరియు రామ్ పోతినేని సూపర్ స్టైలిష్ లుక్ లో కనిపిస్తున్నారు. ఈ పోస్టర్ అభిమానులని విశేషంగా ఆకట్టుకుంటుంది.
తెలుగుతో పాటుగా, హిందీ, కన్నడ, మలయాళ, తమిళ భాషల్లో రిలీజ్ కాబోతున్న ఈ చిత్రాన్ని పూరి కనెక్ట్స్ బ్యానర్ పై పూరీ జగన్నాథ్, ఛార్మి కౌర్ లు సంయుక్తంగా నిర్మిస్తున్నారు. మెలోడీ బ్రహ్మ మణిశర్మ సంగీతం అందించిన ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
