తెలుగు రియాలిటీ షో బిగ్‌బాస్ మొన్నటి వరకు బుల్లితెరపై అలరించి ఇప్పుడు ఓటీటీ వేదికగా అలరిస్తుంది. ప్రముఖ ఓటీటీ డిస్నీ ప్లస్ హాట్ స్టార్ వేదికగా ‘బిగ్‌బాస్ నాన్‌స్టాప్’ పేరుతో ప్రేక్షకులకు 24 గంటల పాటు వినోదాన్ని అందిస్తోంది. 17 మంది కంటెస్టెంట్లతో 84 రోజుల పాటు సాగనున్న ఈ ఓటీటీ షో ప్రారంభమై దాదాపు వారం రోజులు గడిచింది. గొడవలు, నామినేషన్లతో ఫుల్‌ ఆసక్తిగా సాగుతున్న ఈ షోకి నిన్న ఆటంకం ఏర్పడింది.

అయితే బుధవారం అర్ధరాత్రి నాన్ స్టాప్ లైవ్ స్ట్రీమింగ్‌ను డిస్నీ ప్లస్ హాట్ స్టార్ నిలిపివేసింది. ఇప్పటివరకు దీని లైవ్‌ను రెండున్నర గంటల ఆలస్యంతో ప్రసారం చేయగా.. ఇప్పుడు 24 గంటల ఆలస్యంగా ప్రసారం చేయనున్నారట. సాంకేతిక సమస్యల కారణంగా లైవ్‌ స్ట్రీమింగ్‌ తరచూ ఆగిపోతుండడంతో తరచూ సబ్‌స్క్రైబర్ల నుంచి కంప్లైంట్స్‌ వస్తున్నట్టు తెలుస్తుంది. అయితే గురువారం అర్ధరాత్రి నుంచి మళ్లీ స్ట్రీమింగ్ ను ప్రారంభిస్తామని హాట్ స్టార్ తెలిపింది.