స్టార్ హీరో విక్టరీ వెంకటేష్ నటించిన లేటెస్ట్ మూవీ ‘సంక్రాంతికి వస్తున్నాం’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. ఈ సినిమాను దర్శకుడు అనిల్ రావిపూడి డైరెక్ట్ చేయడంతో ఈ సినిమాపై ప్రేక్షకుల్లో ఈ మూవీపై నెలకొన్న అంచనాలు రెట్టింపు అయ్యాయి. ఇక ఈ సినిమా నుంచి ఇప్పటివరకు రిలీజ్ అయిన ప్రమోషనల్ కంటెంట్‌కు ట్రెమెండస్ రెస్పాన్స్ రావడంతో ఈ సినిమాపై సర్వత్రా పాజిటివ్ వైబ్స్ క్రియేట్ అయ్యాయి.
తాజాగా ఈ సినిమా నుంచి ‘బ్లాక్‌బస్టర్ పొంగల్’ సాంగ్‌ను మేకర్స్ రిలీజ్ చేశారు. ముందునుంచీ ఈ పాటపై హైప్ క్రియేట్ చేయడంలో చిత్ర యూనిట్ సక్సెస్ అయ్యింది. ఇక వారు ఈ పాటపై ఎందుకంత కాన్ఫిడెంట్‌గా ఉన్నారో ఇప్పుడు ఈ సాంగ్ చూస్తే అర్థమవుతుంది. పక్కా పండుగ వాతావరణాన్ని తీసుకొచ్చే విధంగా ఈ పాట ఉండటంతో ప్రేక్షకులు ఇట్టే కనెక్ట్ అవుతున్నారు. ముఖ్యంగా ఫ్యామిలీ ఆడియెన్స్‌ను ఈ పాట ఇన్‌స్టంట్‌గా ఆకట్టుకుంటుంది.
ఐశ్వర్య రాజేష్, మీనాక్షి చౌదరితో వెంకీ మామ చేసే అల్లరి ఈ పాటలో మనకు చూపెట్టారు. ఇక భీమ్స్ ఈ పాటను కూడా అదిరిపోయే ట్యూన్‌తో కంపోజ్ చేశాడు. ఈ పాటను భీమ్స్, రోహిణి సొరట్, వెంకటేష్ కలిసి పాడారు. ఈ పాట కూడా ఇన్‌స్టంట్ చార్ట్‌బస్టర్‌గా నిలవడం ఖాయమని ఈ పాటను వింటే అర్థమవుతుంది. ఇక ‘సంక్రాంతికి వస్తున్నాం’ చిత్రాన్ని సంక్రాంతి కానుకగా జనవరి 14న గ్రాండ్ రిలీజ్ చేయనున్నారు.
