పాన్ ఇండియా హీరో ప్రభాస్ హీరోగా ఇపుడు చేస్తున్న లేటెస్ట్ చిత్రాల్లో యువ దర్శకుడు మారుతీతో చేస్తున్న భారీ చిత్రం “ది రాజా సాబ్” కూడా ఒకటి. మరి ఈ చిత్రంని మేకర్స్ ఒక సాలిడ్ హారర్ ఎంటర్టైనర్ గా తెరకెక్కిస్తుండగా ఊహించని రేంజ్ వి ఎఫ్ ఎక్స్ వర్క్ తో తాము ఈ సినిమా చేస్తున్నట్టుగా మొదటి నుంచీ చెబుతున్నారు.
అలాగే ఈ సినిమాపై లేటెస్ట్ గా బాలీవుడ్ సినిమా ప్రముఖ నిర్మాత భూషణ్ కుమార్ చేసిన కామెంట్స్ క్రేజీగా మారాయి. తాను ది రాజా సాబ్ లో కొన్ని విజువల్స్ చూడగా ఆ విజువల్స్ హాలీవుడ్ సినిమా హ్యారీ పోటర్ రేంజ్ లో అనిపించాయి అని తెలిపారు. దీనితో రాజా సాబ్ ఈ రేంజ్ లో ఉందా అంటూ ఫ్యాన్స్ అనుకుంటున్నారు. ఇక ఈ భారీ సినిమాకి థమన్ సంగీతం అందిస్తుండగా పీపుల్ మీడియా ఫ్యాక్టరీ వారు నిర్మాణం వహిస్తుండగా వచ్చే ఏడాది ఏప్రిల్ 10న సినిమాని రిలీజ్ కి తీసుకొస్తున్న సంగతి తెలిసిందే.
