టాలీవుడ్ టాలెంటెడ్ నటుడు నవ దళపతి సుధీర్ బాబు హీరోగా మాళవిక శర్మ హీరోయిన్ గా దర్శకుడు జ్ఞాన సాగర్ ద్వారక తెరకెక్కించిన సాలిడ్ చిత్రం “హరోం హర” కోసం అందరికీ తెలిసిందే. మరి ఈ చిత్రం సుధీర్ బాబు వెర్షన్ కేజీయఫ్, పుష్ప తరహా సినిమా తెరకెక్కగా వీటిలో పుష్ప షేడ్ ఎక్కువగా అనిపించడంతో సినిమా అందరికీ అంత రుచించలేదు. దీనితో థియేట్రికల్ గా కొంతమేర మాత్రమే సినిమా ఆకట్టుకోగా ఇప్పుడు ఫైనల్ గా ఈ సినిమా ఓటీటీలో స్ట్రీమింగ్ కి ఈరోజే రావాల్సింది కానీ బ్రేక్ పడింది.
ఈ సినిమా హక్కులు మన తెలుగు ఓటీటీ సంస్థలు ఆహా అలాగే ఈటీవీ విన్ సొంతం చేసుకోగా ఇప్పుడు వీటిలో ఈ చిత్రం అందుబాటులోకి రావాల్సి ఉంది. కానీ నేడు అయితే ఇంకా అందుబాటులో కి రాలేదు. మరి కాస్త ఆలస్యంగా వస్తుందో ఏమో అనేది వేచి చూడాల్సిందే. ఇక ఈ సినిమాకి చైతన్ భరద్వాజ్ సంగీతం అందించగా సునీల్ తదితరులు ముఖ్య పాత్రల్లో నటించారు. అలాగే సుబ్రహ్మణ్యేశ్వర సినిమాస్ వారు నిర్మాణం వహించారు.
