యూనివర్సల్ స్టార్ కమల్ హాసన్ ప్రధాన పాత్రలో, స్టార్ డైరెక్టర్ శంకర్ దర్శకత్వంలో తెరకెక్కిన ఇండియన్ 2 చిత్రం జూలై 12, 2024 న వరల్డ్ వైడ్ గా థియేటర్లలోకి రానుంది. తెలుగులో భారతీయుడు 2 గా రిలీజ్ కానుంది. ఈ చిత్రం కమల్ హాసన్, మనీషా కొయిరాలా, సుకన్య మరియు ఊర్మిళ ప్రధాన పాత్రల్లో నటించిన బ్లాక్ బస్టర్ ఇండియన్ చిత్రానికి సీక్వెల్. భారతీయుడు 2 చిత్రం తాజాగా సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ బోర్డు వారు యూ/ఎ సర్టిఫికెట్ ను ఇవ్వడం జరిగింది. ఈ చిత్రం 3 గంటల రన్ టైమ్ తో ఉంది. ఇది చాలా పెద్ద రన్ టైమ్ అని చెప్పాలి.
కమల్ హాసన్ ఇటీవల కల్కి చిత్రంలో కీలక పాత్రలో కనిపించారు. ఈ చిత్రం బాక్సాఫీస్ వద్ద భారీ విజయాన్ని సాధించింది. భారతీయుడు 2 విషయానికి వస్తే, అట్టడుగు స్థాయి నుండి అవినీతిని తొలగించడానికి కథానాయకుడు అన్ని విధాలుగా సాగిపోయే సినిమా ఇది. ఈ కథ మనం ఇంతకుముందు చూసినదే కాబట్టి, ప్రేక్షకులను కట్టిపడేయడానికి సినిమాకు ఎలాంటి లాగ్ లేకుండా గ్రిప్పింగ్ కథనం అవసరం. మరి ఈ విషయాన్ని శంకర్ ఎలా హ్యాండిల్ చేస్తాడో చూడాలి. ఈ చిత్రంలో సిద్ధార్థ్, రకుల్ ప్రీత్ సింగ్, ఎస్.జే సూర్య లు కీలక పాత్రల్లో కనిపించనున్నారు. అనిరుధ్ రవి చందర్ ఈ చిత్రానికి సంగీతం అందించారు.
