మెగా హీరో అల్లు శిరీష్ న‌టిస్తున్న తాజా చిత్రం ‘బ‌డ్డీ’ ఇప్ప‌టికే అన్ని ప‌నులు ముగించుకుని రిలీజ్ కు రెడీ అయ్యింది. ఈ సినిమాను పూర్తి యాక్ష‌న్ థ్రిల్ల‌ర్ గా ద‌ర్శకుడు సామ్ ఆంటోన్ తెర‌కెక్కిస్తున్నాడు. ఇక ఇప్ప‌టికే రిలీజ్ అయిన ఈ చిత్ర పోస్ట‌ర్స్, టీజ‌ర్, ట్రైల‌ర్లు సినిమాపై మంచి బజ్ ను క్రియేట్ చేశాయి.

ఈ సినిమాను ఆగస్టు 2న ప్ర‌పంచవ్యాప్తంగా రిలీజ్ చేస్తున్నారు. ఈ క్ర‌మంలో తాజాగా రిలీజ్ ట్రైల‌ర్ ను కూడా రిలీజ్ చేశారు మేక‌ర్స్. ఈ ట్రైల‌ర్ లో టెడ్డీ బియ‌ర్ సీన్స్ ను ఎక్కువ‌గా ఎలివేట్ చేశారు. ఈ సినిమాలో టెడ్డీ పాత్ర ప్ర‌ధానంగా ఉండ‌బోతుంద‌ని ఈ రిలీజ్ ట్రైల‌ర్ చూస్తుంటే అర్థ‌మ‌వుతోంది. ఇక ఫ్లైట్ కెప్టెన్ గా అల్లు శిరీష్ త‌న ప‌ర్ఫార్మెన్స్ తో ఆడియెన్స్ ను థ్రిల్ చేయ‌నున్నాడు.

ఈ సినిమాలో ప్రిషా సింగ్, ముఖేష్ రిషి, అజ్మ‌ల్, అలీ త‌దిత‌రులు ఇత‌ర ముఖ్య పాత్ర‌ల్లో నటిస్తున్నారు. ఈ సినిమాకు హిప్ హాప్ త‌మిళ సంగీతం అందిస్తున్నారు. ఈ సినిమాను ప్రేక్ష‌కులంద‌రూ చూసే విధంగా మేక‌ర్స్ టికెట్ రేట్లు త‌గ్గించిన సంగ‌తి తెలిసిందే.

వీడియో కోసం ఇక్క‌డ క్లిక్ చేయండి