స్టైలిష్ స్టార్ అల్లు అర్జున్ హీరోగా రష్మికా మందన్నా హీరోయిన్ గా నటిస్తున్న లేటెస్ట్ పాన్ ఇండియన్ చిత్రం “పుష్ప”. ఇంటెలిజెంట్ దర్శకుడు సుకుమార్ తెరకెక్కిస్తున్న ఈ చిత్రంపై భారీ అంచనాలే నెలకొన్నాయి. అయితే తన ప్రతీ సినిమాకు కూడా సరికొత్త మేకోవర్ లో దర్శనం ఇచ్చే స్టైలిష్ స్టార్ “పుష్ప”తో ఊహించని మేకోవర్ లో కనిపించి షాకిచ్చాడు.
చాలా రఫ్ లుక్ లో కనిపించి ఫస్ట్ లుక్ పోస్టర్ తో అదరగొట్టిన బన్నీ ఇప్పుడు తన ట్యాగ్ మార్చుకునే సమయం వచ్చేసిందని డైరెక్టర్ సుకుమార్ అంటున్నారు. నిన్న కార్తికేయ హీరోగా లావణ్యా త్రిపాఠి హీరోయిన్ గా నటించిన లేటెస్ట్ చిత్రం “చావు కబురు చల్లగా” ప్రీ రిలీజ్ ఈవెంట్ లో కనిపించిన సుకుమార్ ఇదే అన్నారు.
పుష్ప తర్వాత స్టైలిష్ స్టార్ అల్లు అర్జున్ అనే ట్యాగ్ నుంచి ఐకానిక్ మాస్ స్టార్ అనే సరికొత్త ట్యాగ్ ముద్ర పడిపోతుందని హామీ ఇచ్చారు. మరి దీనిని బట్టి వీరు ఈ సినిమా అవుట్ ఫుట్ విషయంలో ఎంత స్ట్రాంగ్ గా ఉన్నారో అర్ధం చేసుకోవచ్చు. ఇక ఈ చిత్రానికి దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ నిర్మాణం వహిస్తున్న సంగతి తెలిసిందే.